విజయవాడ : తుని విధ్వంసం కేసులో తిరుపతి మాజీ ఎమ్మెల్యే, వైసీపీ నేత భూమన కరుణాకర్‌రెడ్డి, నెంబర్‌ వన్‌ న్యూస్‌ చానెల్‌ యజమాని సుధాకర్‌నాయుడులకు సీఐడీ అధికారులు శుక్రవారం నోటీసులు జారీ చేశారు. ఈనెల 4న విచారణకు హాజరుకావాలని సీఆర్‌పీసీ సెక్షన్‌ 160 కింద నోటీసులు జారీ చేశారు. తుని విధ్వంసం కేసులో ఇప్పటికే పలువురిపై కేసులు నమోదయ్యాయి.

విజయవాడ: జిఎస్‌టి సహా ఇతర బిల్లులను ఆమోదించేందుకు ఎపి అసెంబ్లీ సమావేశాలు ఈ నెల 8 నుంచి మూడు రోజుల పాటు హైదరాబాద్‌లో జరుగుతాయి. ఉదయం 9 నుంచి మధ్యాహ్నం 2 గంటల వరకూ, తిరిగి సాయంత్రం 4 నుంచి రాత్రి 9 గంటల వరకూ సమావేశాలను నిర్వహించాలని నిర్ణయించారు. సాయంత్రం కూడా ప్రశ్నోత్తరాల కార్యక్రమాన్ని చేపడతారు.

హైదరాబాద్, ఆగస్టు 31: నవ్యాంధ్రలో అధికార తెలుగుదేశం పార్టీ సొంతిల్లు చక్కదిద్దుకునే పనిలోఉంది. అధికారంలోకి వచ్చి రెండున్నరేళ్లయిన సందర్భంగా పార్టీ-ప్రభుత్వంపై జనాభిప్రాయం సేకరించేందుకు పార్టీ రంగంలోకి దిగింది. ఆ మేరకు గత పదిరోజుల నుంచి పార్టీ నెంబరు ఫోన్ల నుంచి వివిధ వర్గాల ప్రజల సెల్‌ఫోన్లకు ఎమ్మెల్యేల పనితీరుపై ప్రశ్నలు వస్తున్నాయి.

కొవ్వూరు, సెప్టెంబర్ 1: కుటుంబ కలహాల నేపధ్యంలో పశ్చిమగోదావరి జిల్లా కొవ్వూరు పట్టణ పరిధిలోని 19వ వార్డు దగ్గువారి వీధిలో గురువారం మధ్యాహ్నం బోదంకి నరసింహమూర్తి తన భార్య వరలక్ష్మి, అత్త మాచవరపు అచ్చాయమ్మలపై కత్తితో దాడి చేశాడు. అనంతరం నరసింహమూర్తి కూడా కత్తితో గొంతు కోసుకుని ఆత్మహత్యాయత్నానికి ఒడిగట్టాడు.