విశాఖ: దేశవ్యాప్తంగా వంద రైల్వే స్టేషన్లలో ఉచిత వైఫె సేవలను అందుబాటులోకి తేవాలన్న రైల్వే శాఖ నిర్ణయంలో భాగంగా శుక్రవారం విశాఖ స్టేషన్‌లో వైఫై సేవలను ప్రారంభించారు. డిసిఎం ఎల్వీందర్ యాదవ్ ఈ సేవలను ప్రారంభించారు.

హైదరాబాద్, మార్చి 31: రాష్ట్రంలో ఉన్న 53 వేల అంగన్ వాడీ కేంద్రాలను ప్రీ స్కూళ్లను మార్చనున్నట్టు ముఖ్యమంత్రి ఎన్ చంద్రబాబునాయుడు చెప్పారు. తొలి దశలో 5వేల అంగన్‌వాడీ కేంద్రాలకు సొంత భవనాలను నిర్మిస్తామని అన్నారు. 700 చదరపు అడుగల విస్తీర్ణంతో ఈ ప్రీస్కూళ్ల భవనాల నిర్మాణం జరపాలని అన్నారు. ప్రీ స్కూల్ భవనంలోనే మెడికల్ సబ్ సెంటర్‌లను కూడా ఏర్పాటు చేయాలని సూచించారు.

విజయవాడ, మార్చి 31: ఉగాది లోపు సిఆర్‌డిఎ కార్యాలయంలో తాము అందచేసిన తెలుగు శిలాఫలకాలను రాజధాని అమరావతిలో ప్రతిష్ఠించాలని కేంద్ర హిందీ ప్రచార కమిటీ సభ్యుడు, రాజ్యసభ మాజీ సభ్యుడు యార్లగడ్డ లక్ష్మీప్రసాద్ డిమాండ్ చేశారు. చట్ట ప్రకారం ప్రభుత్వ పాలనా వ్యవహారాలన్నీ తెలుగులో జరగాలి.. ఒకటో తరగతి నుంచి డిగ్రీ స్థాయి వరకు పాఠ్య ప్రణాళికలో తెలుగును ఒక బోధనాంశంగా చేర్చాలని ఆయన కోరారు.

విశాఖపట్నం, మార్చి 31: రాష్ట్రంలో ఆస్తి పన్ను బకాయిలు చెల్లించేందుకు గడువు గురువారంతో ముగిసింది. ఆర్థిక సంవత్సరం చివరి రోజున కూడా పెద్ద ఎత్తున ఇంటి యజమానులు పన్ను చెల్లించేందుకు బారులు తీరారు. గురువారం సాయంత్రానికి రాష్ట్రంలోని కార్పొరేషన్లు, మున్సిపాల్టీలు, నగర పంచాయతీలకు సంబంధించి ఆస్తి పన్ను బకాయిలు రూ.801.87 కోట్లు వసూలు చేయగలిగారు.