విజయవాడ, ఏప్రిల్ 1: రాజధాని రైతుల కోసం ప్రభుత్వం ఒక పత్రికను విడుదల చేయబోతోంది. అలాగే రాజధాని ప్రాంతంలో పెట్టుబడులు ఆహ్వానించేందుకు కూడా మరో పత్రికను తీసుకురాబోతోంది. ఈ బాధ్యతలను సిఆర్‌డిఏకి ప్రభుత్వం అప్పగించింది. రాజధాని ప్రాంతంలో ప్రభుత్వం చేపడుతున్న కార్యకలాపాలు, నిర్మాణ పనులు, జిఓలకు సంబంధించిన పూర్తి సమాచారాన్ని ఇందులో పొందుపరచనున్నారు.

విజయవాడ: ఎపి రాజధాని ప్రాంతంలో శాంతి భద్రతల పర్యవేక్షణకు అధిక ప్రాధాన్యత ఇస్తూ పోలీసు శాఖకు ఎపి ప్రభుత్వం భారీగా పోస్టులను మంజూరు చేసింది. ఈ మేరకు ఆర్థిక శాఖ ఆమోదం తెలిపింది. విజయవాడ నగర పోలీస్ కమిషనరేట్‌కు 471, తూళ్లూరు పోలీస్ సబ్ డివిజన్‌కు 674 పోస్టులను మంజూరు చేశారు. విజయవాడ నగరంలో భద్రతాపరంగా విధులను నిర్వహించేందుకు 583 పోస్టులను మంజూరు చేశారు.

విజయవాడ: అసెంబ్లీ బడ్జెట్ సమావేశాలు ముగిసిన అనంతరం ఏపి మంత్రివర్గం విజయవాడలో శనివారం ఉదయం భేటీ అవుతోంది. రాష్ట్రంలో కరవు పరిస్థితులు, ఉద్యోగ నియామకాలకు నోటిఫికేషన్లు, ఉచిత ఇసుక పంపిణీ విధానం వంటి అంశాలపై సిఎం చంద్రబాబు మంత్రులతో చర్చిస్తారు. క్యాబినెట్ భేటీ తర్వాత పార్టీ నేతలతో ఆయన విడిగా సమావేశమవుతారు.

గుంటూరు: భార్యపై కిరోసిన్ పోసి నిప్పంటించిన భర్త కిరాతకం ఇది. గుంటూరు జిల్లా గురజాలలో శుక్రవారం ఈ ఉదంతం వెలుగు చూసింది. తీవ్రంగా గాయపడిన ఆమెను స్థానికులు వెంటనే ఆస్పత్రిలో చేర్పించారు.