సూళ్లూరుపేట: భారత అంతరిక్ష పరిశోధన సంస్థ (ఇస్రో) తలపెట్టే స్వదేశీ నావిగేషన్ ఉపగ్రహ ప్రయోగానికి మంగళవారం ఉదయం 10:30 గంటల నుండి కౌంట్‌డౌన్ ప్రారంభం కానుంది. నెల్లూరు జిల్లా శ్రీహరికోటలోని భాతర అంతరిక్ష ప్రయోగ కేంద్రం సతీష్ థావన్ స్పేస్ సెంటర్ షార్ కేంద్రం నుండి ఈనెల 10వ తేదీ సాయంత్రం 4 గంటలకు పిఎస్‌ఎల్‌వి-సి 32 రాకెట్ ప్రయోగం జరిపేందుకు ఇస్రో ముహూర్తం ఖరారు చేసింది.

హైదరాబాద్: తెలంగాణలో ఓటుకు నోటు కేసుతోనే తెలుగు దేశం పార్టీ జాతీయ అధ్యక్షుడు, ఎపి ముఖ్యమంత్రి చంద్రబాబు నాయుడు సతమతమవుతుంటే, మంత్రి రావెల కిశోర్‌బాబు తనయుడు సుశీల్‌పై హైదరాబాద్‌లో పోలీసులు కేసు నమోదు చేయడం తలనొప్పిగా మారింది. శనివారం ముఖ్యమంత్రి చంద్రబాబు మంత్రి రావెల కిశోర్‌ను పిలిపించి మాట్లాడారు. ఈ సందర్భంగా చంద్రబాబు కొంత చికాకు పడినట్లు తెలిసింది.

శ్రీకాళహస్తి: శ్రీకాళహస్తీశ్వరస్వామి, జ్ఞానప్రసూనాంబ ఆదివారం ఉదయం హంస, చిలుక వాహనాలపై ఊరేగి భక్తులకు కనువిందుచేశారు. మహాశివరాత్రి బ్రహ్మోత్సవాల్లో భాగంగా నాల్గవ రోజైన నాగరాత్రి పురస్కరించుకొని ఉదయం గంగాదేవి సమేత సోమస్కందమూర్తి హంస వాహనంపై, జ్ఞానప్రసూనాంబ చిలుక వాహనంపై ఊరేగారు. వేదపండితులు, మంగళవాయిద్యాలు, సాంస్కృతిక బృందాలు వెంటరాగా స్వామి, అమ్మవార్లు భక్తులను కటాక్షించారు.

హైదరాబాద్: ఆంధ్రప్రదేశ్ అసెంబ్లీ సమావేశాలు వాడివేడిగా శనివారం ప్రారంభమయ్యాయి. రాష్ట్ర బడ్జెట్ అసెంబ్లీ సమావేశాల ప్రారంభం రోజునే వైకాపా సభ్యులు నల్లకండువాలు ధరించి నిరసనలతో అసెంబ్లీకి వచ్చారు. గవర్నర్ ప్రసంగం సమయంలో కొంతసేపు నిరసనల హోరుకే విపక్ష పార్టీ పరిమితమైంది. సమావేశాలు ఈనెల 30 వరకు జరగాల్సి ఉంది.