హైదరాబాద్‌: విజయనగరం జిల్లా కొండశిఖరగూడలో మావోయిస్టుల ఘాతుకానికి పాల్పడ్డారు. ఇన్‌ఫార్మర్‌నెపంతో ఒకరిని హతమార్చారు. దీంతో గ్రామంలో ఉద్రిక్తత నెలకొంది. మావోయిస్టుల కోసం పోలీసుల గాలింపు కొనసాగుతోంది.

తిరుమల : తిరుమలలో భక్తుల రద్దీ పెరిగింది. సంక్రాంతి పండగ సెలవులతో భక్తులు పెద్దసంఖ్యలో రావడంతో 22 కంపార్ట్‌మెంట్లు నిండిపోయాయి. శ్రీవారి సర్వదర్శనానికి 9 గంటల సమయం, కాలినడక భక్తులకు 6 గంటల సమయం, శ్రీవారి ప్రత్యేక దర్శనానికి 2 గంటల సమయం పడుతుంది.

చిత్తూరు : చంద్రగిరి మండలం రంగంపేట, పుల్లయ్యగారిపల్లిలో జల్లికట్టు ఆట ప్రారంభం అయ్యింది. బహుమానంతో కూడిన పలకను ఎద్దు కొమ్ములకు కట్టి...వాటిని గ్రామస్తులు ఊరిపై వదలనున్నారు. ఎద్దులను లొంగదీసుకొని పలకల కోసం యువకులు పోటీపడనున్నారు. యువకులు జల్లికట్టు పేరుతో పశువులను హింసించవద్దని పోలీసుల నోటీసులు పోలీస్ ఆదేశాలను బేఖాతరు చేస్తూ.. రంగంపేటలో జల్లికట్టుకు ఏర్పాట్లు చేశారు.

ఏలూరు: ఉభయ గోదావరి జిల్లాల్లో కోడిపందాలు గురువారం ఘనంగా ప్రారంభమయ్యాయి. పశ్చిమగోదావరి జిల్లాలో జంగారెడ్డిగూడెం కొయ్యలగూడెలం, జీలుగుమిల్లిలో ఇప్పటికే కోడిపందాలు ప్రారంభమైయ్యాయి. భీమవరంలో కోడి పందాలను బీజేపీ నేత రఘురామ కృష్ణంరాజు ప్రారంభించారు. తణుకు మండలం తేతలిలో కోడిపందాలు జరిగాయి. పోలీసులు వారించినా నిర్వాహకులు పట్టించుకోలేదు. అత్యంత కోలాహలం మధ్య కోడిపందాలు సాగాయి.