విజయవాడ, ఆగస్టు 23: సీనియర్ పాత్రికేయుడు కులదీప్ నయ్యర్ మృతి పట్ల ముఖ్యమంత్రి చంద్రబాబు నాయుడు సంతాపం వ్యక్తం చేశారు. నిజాయితీపరుడు, విలువలకు నిదర్శనంగా నిలిచిన ఆయన మృతి పాత్రికేయ లోకానికి తీరని లోటు అంటూ నివాళులు అర్పించారు. పాత్రికేయ రంగంలో తనకంటూ ఒక స్థానాన్ని ఏర్పరుచుకున్న నయ్యర్ నిబద్ధతకు మారుపేరని తెలిపారు. రాష్ట్ర ఐటి శాఖ మంత్రి లోకేష్ కూడా ఆయన మృతికి సంతాపం వ్యక్తం చేశారు.

రాజమహేంద్రవరం, ఆగస్టు 22: ఉగ్ర గోదావరి ఇంకా ప్రచండ వేగంతో పరుగులు తీస్తూనేవుంది. ఏజెన్సీ, కోనసీమ లంక గ్రామాలను భయకంపితం చేస్తూ ఉగ్రరూపంతో ఉరకలు వేస్తోంది. ఎగువన భద్రాచలం వద్ద వరద కాస్తంత నిలకడగా ఉన్నప్పటికీ ఉపనది శబరి ఉద్ధృతంగా ప్రవహిస్తుండటంతో మూడో ప్రమాద హెచ్చరికకు రెండు అడుగుల దూరంలో ప్రవాహం కొనసాగుతోంది. ధవళేశ్వరం బ్యారేజి వద్ద బుధవారం సాయంత్రం ఆరు గంటలకు 15.30 అడుగుల నీటి మట్టం నమోదైంది.

అమరావతి, ఆగస్టు 21: వివిధ సంక్షేమ కార్యక్రమాల లబ్ధిదారుల కోసం ఉద్దేశించిన పథకాలను వచ్చేనెల మూడో వారంలో పెద్దఎత్తున ప్రారంభించాలని ముఖ్యమంత్రి చంద్రబాబు నాయుడు అధికారులను ఆదేశించారు. బీసీ, ఎస్సీ, ఎస్టీ, ఈబీసీ, కాపు, మైనారిటీ వర్గాల సంక్షేమ పథకాల అమలుపై ముఖ్యమంత్రి మంగళవారం సచివాలయంలో సమీక్ష నిర్వహించారు.

అమరావతి, ఆగస్టు 21: త్యాగానికి ప్రతీకగా చరిత్రలో చిరస్థాయిగా బక్రీద్ పండుగ నిలుస్తుందని ముఖ్యమంత్రి చంద్రబాబునాయుడు ఉద్ఘాటించారు. బుధవారం బక్రీద్ సందర్భంగా ముస్లిం సోదరులు, సోదరీమణులకు ఆయన శుభాకాంక్షలు తెలిపారు. ఇది ఆధ్యాత్మిక, చారిత్ర పండుగ అన్నారు. మక్కా, మదీనా సందర్శన సందర్భంలో హజ్ యాత్ర పూర్తయిన మరుసటి రోజు బక్రీద్ వేడుకలు జరుపుకోవటం ఆనవాయితీగా వస్తోందని తెలిపారు.