రేణిగుంట, జనవరి 29: పతంజలి గ్రూప్ సేవలను ఆంధ్రప్రదేశ్‌లో విస్తరించాలని చూస్తున్నట్లు సంస్థ అధిపతి, యోగా గురువు రామ్‌దేవ్ బాబా వెల్లడించారు. ఆదివారం మైసూర్ నుంచి ప్రత్యేక విమానంలో రేణిగుంట విమానాశ్రయం చేరుకున్న ఆయనకు చిత్తూరు జిల్లా యోగా గురువులు, బిజెపి నాయకులు, డిఎస్పీ నంజుండప్ప ఘనస్వాగతం పలికారు.

విశాఖపట్నం, జనవరి 29: రాష్ట్రంలో సుమారు 10 లక్షల కోట్ల రూపాయల పెట్టుబడులు పెట్టడానికి విశాఖలో రెండు రోజులపాటు జరిగిన సిఐఐ భాగస్వామ్య సదస్సులో పారిశ్రామికవేత్తలు ఎంఓయులు కుదుర్చుకున్నారు. నిరుడు సుమారు నాలుగు లక్షల కోట్ల రూపాయల పెట్టుబడులకు ఎంఓయులు జరిగాయి. వెరసి, ఈ రెండేళ్లలో దాదాపు 14 లక్షల కోట్ల రూపాయల పెట్టుబడులకు ఎంఓయులు జరిగాయన్నమాట.

న్యూఢిల్లీ, జనవరి 29: కొత్త సంవత్సరంలోనూ విదేశీ మదుపరుల తీరు మారడం లేదు. దేశీయ మార్కెట్ల నుంచి నిరుడు విదేశీ మదుపరులు లాగేసుకున్న పెట్టుబడుల విలువ గడచిన ఎనిమిదేళ్లలోనే గరిష్ఠంగా నమోదైనది తెలిసిందే. ఈ నేపథ్యంలో ఈ నెలలో ఇప్పటిదాకా భారత మార్కెట్ల నుంచి 5,600 కోట్ల రూపాయలకుపైగా పెట్టుబడులను వెనక్కి తీసుకున్నారు.

శాన్‌ఫ్రాన్సిస్కో, జనవరి 28: అమెరికా నూతన అధ్యక్షుడు డొనాల్డ్ ట్రంప్ తీసుకున్న సంచలన నిర్ణయంపై గూగుల్ భారత సంతతి సారథి సుందర్ పిచాయ్ విమర్శలు గుప్పించారు. ఏడు ముస్లీం దేశాల నుంచి అమెరికాకు వచ్చేవారిపై నిషేధం విధించడాన్ని తప్పుబట్టారు. ఇది అమెరికాకు వచ్చే నైపుణ్యానికి అడ్డుకట్ట వేస్తుందన్న ఆయన కనీసం 187 గూగుల్ ఉద్యోగులను ప్రభావితం చేస్తుందని కూడా పిచాయ్ అన్నట్లు వాల్‌స్ట్రీట్ జర్నల్ పేర్కొంది.