న్యూఢిల్లీ, జూన్ 30: దేశంలో సౌర విద్యుత్ ప్రాజెక్టులకు తోడ్పాటును అందించేందుకు 100 కోట్ల డాలర్ల (దాదాపు 6,750 కోట్ల రూపాయల) రుణాన్ని అందజేస్తామని ప్రపంచ బ్యాంకు హామీ ఇచ్చింది. గురువారం న్యూఢిల్లీలో జరిగిన సమావేశంలో కేంద్ర విద్యుత్ శాఖ మంత్రి పియూష్ గోయెల్, ప్రపంచ బ్యాంకు అధ్యక్షుడు జిమ్ యోంగ్ కిమ్ ఇందుకు సంబంధించిన ఒప్పందంపై సంతకాలు చేశారు.

న్యూఢిల్లీ, జూన్ 29: జాతీయ ఖనిజ అనే్వషణ విధానాని (ఎన్‌ఎమ్‌ఇపి)కి కేంద్ర కేబినెట్ ఆమోదం తెలిపింది. ప్రధాని మోదీ నేతృత్వంలో సమావేశమైన కేంద్ర మంత్రివర్గం ఈ మేరకు నిర్ణయం తీసుకుంది. దీంతో ఖనిజాల అనే్వషణ కోసం జియోలాజికల్ సర్వే ఆఫ్ ఇండియా (జిఎస్‌ఐ) గుర్తించిన 100 బ్లాకులను ప్రభుత్వం వేలం వేయవచ్చని ఓ సీనియర్ అధికారి అన్నారు.

విజయవాడ, జూన్ 29: ఆంధ్ర రాష్ట్రంలో వేరుశనగ ఉత్పత్తి రికార్డు స్థాయిలో జరిగింది. మునుపెన్నడూ లేని ఉత్పత్తి సాధ్యమైంది. 2014-15లో రాష్ట్రంలో 4.93 లక్షల మెట్రిక్ టన్నుల వేరుశనగ ఉత్పత్తి కాగా, 2015-16లో 8.03 లక్షలకు పెరిగింది. అంతకుముందుతో పోల్చితే 3.10 లక్షల మెట్రిక్ టన్నుల ఉత్పత్తి అదనంగా జరిగింది. హెక్టారుకు సరాసరి 1,027 కిలోల దిగుబడితో జాతీయ స్థాయిలో రాష్ట్రం మూడో స్థానంలో నిలిచింది.

న్యూఢిల్లీ, జూన్ 28: ‘నల్లధనం వివరాలను స్వచ్ఛందంగా వెల్లడించేందుకు ఇదే చివరి అవకాశం. దీన్ని ఉపయోగించుకుని నిశ్చింతగా ఉండండి.’ అని కేంద్ర ఆర్థిక శాఖ మంత్రి అరుణ్ జైట్లీ అన్నారు. వన్-టైమ్ కంప్లియెన్స్ విండో ద్వారా బయటికొచ్చిన ఈ నల్లధనం వివరాలను ఏ ఇతర దర్యాప్తు సంస్థలకో, అథారిటీలకో ఇవ్వబోమని స్పష్టం చేశారు.