హైదరాబాద్, నవంబర్ 29: హైదరాబాద్ నగరానికి పెట్టుబడులతో రావాలని తెలంగాణ ఐటి మంత్రి కె తారకరామారావు పారిశ్రామికవేత్తలకు పిలుపునిచ్చారు. పరిశ్రమలకు అత్యంత స్నేహపూరితమైన ప్రభుత్వం రాష్ట్రంలో ఉందని, అనుమతులపై దేశంలో ఎక్కడాలేని కొత్త విధానాన్ని అమలు చేస్తున్నామని వివరించారు.

సింగపూర్, నవంబర్ 28: సౌరశక్తి వినియోగం నానాటికీ విస్తృతం అవుతున్నందున దాన్ని సమర్థవంతంగా నిల్వ చేసే వ్యవస్థను భారత్ ఏర్పాటు చేసుకోవాలని ఇంధన రంగ పరిశోధకుడు నిత్యనందా సూచించారు.

లాహోర్, నవంబర్ 28: అంతర్జాతీయ ఉగ్రవాదుల జాబితా నుంచి తన పేరును తొలగించాలని కోరుతూ ముంబయి పేలుళ్ల సూత్రధారి, జమాత్ ఉద్ దవా సంస్థ అధిపతి హఫీజ్ సరుూద్ ఐక్యరాజ్యసమితిలో పిటిషన్ దాఖలు చేశాడు. 297 రోజుల గృహనిర్బంధం అనంతరం కొద్ది రోజుల క్రితం హఫీజ్‌ను పాకిస్తాన్ ప్రభుత్వం విడుదల చేసిన సంగతి తెలిసిందే.

హైదరాబాద్, నవంబర్ 28: భరతజాతి గర్వించదగ్గ రీతిలో సంగీత నృత్య రూపకాలతో ప్రపంచ పారిశ్రామికవేత్తల సదస్సు మంగళవారం సాయంత్రం హైటెక్స్‌లో కట్టుదిట్టమైన భద్రతా ఏర్పాట్లు మధ్య ప్రారంభమైంది. హైటెక్స్‌లోని రంగుల హరివిల్లును తలపించేలా ఒక పక్క నృత్య రూపకాలు, మరో పక్క ప్రభుత్వ కార్యక్రమాల దృశ్య శ్రవణ మాధ్యమాల్లో కనువిందుగా ప్రదర్శించారు.