రామ్‌చరణ్ హీరోగా నటిస్తున్న ధ్రువ సినిమా ఈనెల విడుదలకు సిద్ధమైన నేపథ్యంలో తరువాత ఆయన నటించే సినిమాపై క్లారిటీ వస్తోంది. సుకుమార్ దర్శకత్వంలో ఆయన నటించనున్నారని, ఇప్పటికే సినిమాకు సంబంధించిన స్క్రిప్ట్ కార్యక్రమాలు, ప్రీపొడక్షన్ పనులు కూడా పూర్తిచేసి త్వరలో సెట్స్‌కు వెళ్లనున్నారని తెలుస్తోంది.

పెద్దనోట్ల ఉపసంహరణ తర్వాత దేశంలో ఈ అంశంపై తీవ్రమైన ఆందోళన వ్యక్తమవుతోంది. బ్యాంకులు, ఎటిఎంల ముందు జనం క్యూలు కడుతూనే ఉన్నారు. ఇకమీదట క్యూలు లేకుండా ఉండటానికి డిజిటలైజేషన్ పద్ధతిలో నగదు మార్పిడి, చెల్లింపులు జరుపుకోవాలని కేంద్రం సూచిస్తోంది. అంటే క్రెడిట్ కార్డులు, డెబిట్ కార్డులు, ఆన్‌లైన్ చెల్లింపులు, చెక్ లేదా డిడి రూపంలో చెల్లింపులు జరగాలని సూచిస్తోంది.

సంస్కరణలు తేకుండా నల్లధనాన్ని నిర్మూలించడం ఎలా సాధ్యం? అసలు నల్లధనం నిర్వచనం ఏమిటో తేలాలి. ఒక వ్యక్తి తక్కువ ధరకు మార్కెట్‌లో ఒక వస్తువు లేదా ఒక ప్లాటు కొన్న కొన్ని నెలలకో సంవత్సరాలకో మంచి రేటు వస్తుంది. దాన్ని విక్రయిస్తే, వచ్చిన లాభాన్ని నల్లధనం అంటారా? అనేది ముందుగా తేల్చాలి.

నోట్లను రద్దుచేయడం వెనుక ఉద్దేశం మంచిదే అయినప్పటికీ, అమలు చేసేందుకు చేపట్టిన విధానం మాత్రం సరైంది కాదు. భారతదేశంలో కొంతమంది బడాబాబుల వద్ద పేరుకుపోయిన నల్లధనాన్ని వెలికితీయాలని ప్రభుత్వం భావించడంలో తప్పులేదు. దేశంలో ప్రతి పౌరుడి ఆదాయం చట్టానికి లోబడి ఉండాలన్నది కేంద్రం ఉద్దేశంగా స్పష్టమవుతోంది. నీతివంతమైన పాలనను ప్రజలకు అందించాలన్నది ప్రధాని నరేంద్ర మోదీ ఆలోచించి ఉండవచ్చు.