సంగారెడ్డి, సెప్టెంబర్ 26: నాలుగు రోజుల పాటు ఎడతెరపి లేకుండా కురిసిన భారీ వర్షాలు మెదక్ జిల్లాను నిలువునా ముంచాయి. ఎండిన జలాశయాలకు జలకళ వచ్చిందన్న సంతృప్తి మినహా కురిసిన వర్షాలతో అన్ని వర్గాల వారు భారీ మూల్యం చెల్లించుకున్నారు. ఈ నెల 22 నుంచి 25వ తేదీ వరకు జిల్లాలోని అన్ని ప్రాంతాల్లో భారీ నుంచి అతిభారీ వర్షాలు కురియడంతో వాగులు, వంకలు, చెరువులు, కుంటలకు వరదపోటును ఎదుర్కొన్నాయి.

జహీరాబాద్, సెప్టెంబర్ 26: వరదనీటిలో గల్లంతయిన చిన్నారి ముజాహిద్ ఆచూకి సోమవారం లభించింది. పోలీసులు మున్సిపల్ సిబ్బంది సహకారంతో సోమవారం మూడోరోజు చేపట్టిన గాలింపుల్లో సుమారు కిలోమీటరు దూరంలో ఉన్న చెక్‌డ్యాం వద్ద బురదలో కూరుకుపోయిన చిన్నారి మృతదేహం లభించింది. జహీరాబాద్ ప్రభుత్వాసుపత్రిలో పోస్టుమార్టం నిర్వహించిన అనంతరం బంధువులకు అప్పగించారు.

గజ్వేల్, సెప్టెంబర్ 26: రోడ్డు విస్తరన పేరుతో తమను బజారున వేయవద్దని సంగాపూర్ రోడ్డు బాదితులు ఎంపి కొత్త ప్రభాకర్‌రెడ్డి వద్ద నిరసన తెలిపారు. 33 అడుగుల రోడ్డు వెడల్పుతో విస్తరణ పనులు చేపట్టాలని, అందుకు తమకు గజ్వేల్ గ్రామ పంచాయతీ నుంచి అనుమతులు కూడా ఉన్నట్లే తెలిపారు. ముఖ్యంగా అప్పులు చేసి ఇళ్లు నిర్మించుకోగా, ప్రస్తుతం విస్తరణ పేరుతో తమను ఇబ్బందుల పాలు చేయడం తగదని ఆవేదన వ్యక్తం చేశారు.

జిన్నారం, సెప్టెంబర్ 26: జిన్నారం మండలాన్ని మెదక్ జిల్లాలో కలిపితే సహించేది లేదని హెచ్చరించారు అఖిల పక్ష నాయకులు. సోమవారం ఎంపీపీ కార్యాలయంలో మండల అఖిల పక్ష సమావేశాన్ని నిర్వహించారు. సమావేశంలో టీఆర్‌ఎస్, కాంగ్రెస్, బిజెపితో పాటు ఇతర పార్టీ నాయకులు పాల్గొన్నారు. ఎంపీపీ రంవీదర్‌రెడ్డి, జడ్పిటిసి ప్రభాకర్, ఎంపీపీ ఉపాద్యక్షుడు నాగెందర్‌గౌడ్‌తో పాటు ఇతర నాయకులు పాల్గొన్నారు.