కడప, ఏప్రిల్ 15: రెండవ భద్రాద్రిగా వాసికెక్కిన కడప జిల్లా ఒంటిమిట్టలోని శ్రీ కోదండరామస్వామి శ్రీ రామనవమి బ్రహ్మోత్సవాల్లో భాగంగా శుక్రవారం ధ్వజారోహణ కార్యక్రమం టిటిడి ఆధ్వర్యంలో అత్యంత వైభవంగా జరిగింది. ధ్వజారోహణ కార్యక్రమానికి హాజరైన జిల్లా ఇన్‌చార్జి మంత్రి గంటా శ్రీనివాసరావు ఆంధ్రప్రదేశ్ ప్రభుత్వం తరఫున స్వామివారికి పట్టువస్త్రాలు, తలంబ్రాలు తీసుకువచ్చారు.

నాసిక్, ఏప్రిల్ 15: ఆలయ ప్రవేశంలో స్ర్తి పురుష సమానత్వం పాటించాలంటూ ఆందోళనలు కొనసాగుతున్న నేపథ్యంలో ప్రతిరోజూ గంటసేపు గర్భగుడిలోకి మహిళలను అనుమతించాలని మహారాష్ట్ర నాసిక్‌లోని త్రయంబకేశ్వర దేవస్థానం ట్రస్టు నిర్ణయించింది. అయితే గర్భగుడిలో పూజలు చేసేటప్పుడు వారు తడి నూలు వస్త్రాలు లేదా పట్టు వస్త్రాలు ధరించాలని షరతు పెట్టింది.

హైదరాబాద్, ఏప్రిల్ 15: హిందూ సంప్రదాయాల వ్యవహారాల్లో కోర్టులు జోక్యం చేసుకోవడం సరైన విధానం కాదని విశాఖ శారదా పీఠాధిపతి స్వామి స్వరూపానందేంద్ర అన్నారు. శుక్రవారం ఇక్కడ ఫిల్మ్‌నగర్‌లో దైవ సన్నిధానం వద్ద సీతారాముల కళ్యాణం కార్యక్రమానికి ఆయన హాజరయ్యారు. ఈ సందర్భంగా ఆయన విలేఖర్లతో ముచ్చటిస్తూ, సంప్రదాయాలను బట్టే మతం ఉంటుందన్నారు. శబరిమలలో వృద్ధులైన మహిళలు, బాలికలకు ప్రవేశం ఉందన్నారు.

శ్రీనగర్, ఏప్రిల్ 15: జమ్మూకాశ్మీర్‌లోని కుప్వారా జిల్లా శుక్రవారం ఆందోళనలతో అట్టుడికిపోయింది. ఆందోళనకారులకు, భద్రతాదళాలకు మధ్య జరిగిన ఘర్షణల్లో ఒక విద్యార్థి మృతి చెందాడు. మరో నలుగురు గాయపడ్డారు. మృతి చెందిన విద్యార్థి 11వ తరగతి చదువుతున్నాడు. పాఠశాల విద్యార్థినిపై లైంగిక వేధింపుల ఆరోపణల నేపథ్యంలో ఉత్తర కాశ్మీర్‌లో శాంతి భద్రతల పరిస్థితి దారుణంగా తయారైంది.