న్యూఢిల్లీ, డిసెంబర్ 20: నిర్భయ కేసులో బాల నేరస్థుడి విడుదలను తీవ్రంగా నిరశిస్తూ ఢిల్లీ వీధులు ప్రదర్శనలతో అట్టుడికాయి. ఆదివారం ఇండియా గేట్ వద్ద ప్రదర్శనకు వందలాది మంది ఈ తాజా పరిణామంపై తీవ్ర ఆగ్రహాన్ని వ్యక్తం చేశారు. నిర్భయ తల్లిదండ్రులతో సహా అనేక మందిని ఇండియా గేట్ వద్ద పోలీసులు నిరోధించారు.

రాణ్ ఆఫ్ కచ్, డిసెంబర్ 20: ఐసిస్, ఇతర ఉగ్రవాద ముఠాలు యువతను ఉగ్రవాదం వైపు ఆకర్షించడానికి ప్రయత్నించడంపై ఫ్రపంచవ్యాప్తంగా ఆందోళన వ్యక్తమవుతున్న తరుణంలో సున్నితత్వం పోలీసింగ్‌లో కీలక అంశం కావాలని ప్రధాని నరేంద్ర మోదీ పిలుపునిచ్చారు.

న్యూఢిల్లీ, డిసెంబర్ 20: భారత ప్రధాని నరేంద్ర మోదీ బుధవారం నుంచి రష్యాలో పర్యటించనున్నారు. ఈ సందర్భంగా ఇరు దేశాల మధ్య జరిగే చర్చల్లో అణు ఇంధన సహకారం సహా అనేక కీలక ఒప్పందాలు కుదిరే అవకాశం ఉందని తెలుస్తోంది. ముఖ్యంగా కుళంకుళంకు సంబంధించి రెండు దేశాలు ఓ ఒడంబడికపై సంతకం చేయవచ్చునని ప్రభుత్వ వర్గాలు చెబుతున్నాయి.

హైదరాబాద్, డిసెంబర్ 20: ముఖ్యమంత్రి కల్వకుంట్ల చంద్రశేఖర్ రావు ఆధ్వర్యంలో ఈనెల 23న నుంచి జరిగే అయుత చండీయాగం మతాలకు అతీతంగా అందరిలోనూ ఆసక్తిని రేకెత్తిస్తోంది. మరో మూడు రోజుల తరువాత యాగం ప్రారంభం అవుతుంది. అయితే ఇప్పటి నుంచే జనం యాగం జరిగే ప్రాంతాన్ని సందర్శిస్తున్నారు. ఆదివారం కొంత మంది నన్స్ యాగశాలకు వచ్చారు. గజ్వేల్ చర్చికి చెందినవారు యాగశాల వద్ద ఏర్పాట్లు చూసి వివరాలు తెలుసుకొని వెళ్లారు.