భదోహి, ఫిబ్రవరి 23: ఉత్తరప్రదేశ్‌లోని భదోహిలో సంభవించిన పేలుడులో 13 మంది మృతి చెందారు. మరో ఆరుగురు గాయపడ్డారు. శనివారం మధ్యాహ్నం ఒక షాపులో సంభవించిన ఈ పేలుడు వల్ల పక్కనున్న మూడు ఇళ్లు కూలిపోయినట్టు అధికారులు తెలిపారు. శిథిలాల కింద మరికొంత మంది చిక్కుకున్నట్టు భావిస్తున్నామని, వారిని రక్షించడానికి సహాయక చర్యలు ప్రారంభించామని వారు వివరించారు. రోహ్‌తా బజార్‌లోని ఒక షాపులో ఈ పేలుడు చోటు చేసుకుంది.

గణపురం, ఫిబ్రవరి 23: ‘స్టేట్ బ్యాంక్ మేనేజర్‌ను మాట్లాడుతున్నా... మీ ఖాతా వివరాలు కావాలి’ అంటూ ఆరు సార్లు వరుసగా ఫోన్‌లు చేసి ఖాతా వివరాలు తీసుకుని గంటలో ఖాతా నుండి రూ. 39వేలు మాయం చేసిన సంఘటన భూపాలపల్లి జిల్లా గణపురం మండలంలోని గొల్లపల్లి గ్రామంలో జరిగింది. బాధితుడు బండి రమేష్ తెలిపిన వివరాలు ఇలా ఉన్నాయి. చెల్పూరు గ్రామీణ వికాస్ బ్యాంకు అకౌంట్ నంబర్ 73085429835లో రమేష్ పేరున రూ.

హైదరాబాద్, ఫిబ్రవరి 23: ఎన్నారై చిగురుపాటి జయరాం హత్య కేసులో మరో ఐదుగురు పోలీస్ అధికారులను విచారించడానికి దర్యాప్తు అధికారులకు నోటీసులు ఇవ్వనున్నారు. ఈ కేసులు ఆరోపణలు ఎదుర్కొంటున్న ఏసీపీ మల్లారెడ్డి, సీఐలు శ్రీనివాసులు, రాంప్రసాద్, హెచ్‌ఆర్ రెడ్డి, డీఎన్ రెడ్డిలపై బదిలీ వేటు పడింది. మరో ముగ్గురు ఏసీపీలు, ఇద్దరు సీఐలతో పాటు ఇద్దరు ఎస్‌ఐలు ఉన్నారు. వీరికి త్వరలో నోటీలు ఇవ్వనున్నారు.

ఖమ్మం, ఫిబ్రవరి 23: ఇటీవల కాలంలో తెలంగాణ, ఆంధ్రప్రదేశ్ ప్రాంతాల్లో మావోయిస్టు చర్యలు అధికంగా జరుగుతుండటం, ఎన్నికల వేళ మావోయిస్టులు విధ్వంసాలకు పాల్పడతారనే సమాచారంతో తెలంగాణ, ఆంధ్రప్రదేశ్ రాష్ట్రాలకు చెందిన పోలీస్ అధికారులు ప్రత్యేకంగా వ్యూహరచన చేస్తున్నారు. ఇరు రాష్ట్రాలకు సరిహద్దులుగా ఉన్న ప్రాంతాల్లో పనిచేస్తున్న పోలీస్ అధికారులు శనివారం పోలవరంలో సమావేశమయ్యారు.