పార్వతీపురం (రూరల్), సెప్టెంబర్ 19: తాళికట్టిన భర్త, కన్నబిడ్డలా చూసుకోవలసిన అత్తమామల వేధింపులు తాళలేక ఓ వివాహిత తన ఇద్దరు ఆడపిల్లలతో కలసి ఆత్మహత్య చేసుకుంది. తాను లేకపోతే ఈ ఇలపై తన కూతుళ్లు ఏమైపోతారో? వారికి ఎవరు దిక్కని ఆలోచించిందేమో ? తన కన్న పేగును తానే తెంచుకుంది. కంటి పాపల్లా, అల్లారు ముద్దుగా పెంచుకున్న పిల్లల ప్రాణాలను రైలుబండికి అర్పించింది.

అమరావతి, సెప్టెంబర్ 19: మహారాష్టల్రోని ధర్మాబాద్ కోర్టు ఇచ్చిన అరెస్ట్ వారెంట్‌కు సంబంధించి రీకాల్ పిటిషన్ వేసేందుకు ముఖ్యమంత్రి నారా చంద్రబాబు నాయుడు నిర్ణయించారు. బాబ్లీ అంశానికి సంబందించి ఈనెల 21వ తేదిన కోర్టుకు హాజరు కావాలని ధర్మాబాద్ కోర్టు అదేశించిన నేపథ్యంలో గత కొన్ని రోజులుగా మంత్రులు, అధికారులు, న్యాయ నిపుణులతో చర్చించిన సీఎం చంద్రబాబు రీకాల్ పిటిషన్ వేయాలని నిర్ణయించారు.

సనత్‌నగర్, సెప్టెంబర్ 19: మిర్యాలగూడలో ప్రణయ్ హత్య సంఘటన మరువక ముందే ఎర్రగడ్డలో అదే తరహాలో హత్యాయత్నానికి పాల్పడ్డాడో తండ్రి. కులాంతర వివాహం చేసుకుందన్న అక్కసుతో అల్లుడితో పాటు కన్న కూతుర్ని కూడా చంపాలని నిర్ణయించుకున్నాడు. పథకం ప్రకారం వారిని ఎర్రగడ్డ ప్రధాన రహదారిపై ఉన్న ప్రతుల్ హోండా షోరూమ్ వద్దకు పిలిపించాడు. తన సమీపంలోకి రాగానే ఒక్కసారిగా అతనితో తెచ్చుకున్న కత్తితో దాడికి పాల్పడ్డాడు.

న్యూఢిల్లీ, సెప్టెంబర్ 19: హిమాచల్ ప్రదేశ్ మాజీ ముఖ్యమంత్రి వీరభద్ర సింగ్ , ఆయన భార్య తదితరులపై వచ్చిన అవినీతి అభియోగాల కేసులో వాదనలు వచ్చే నెల 22వ తేదీ నుంచి ప్రారంభమవుతాయని ఢిల్లీ కోర్టు ప్రకటించింది. ప్రత్యేక న్యాయమూర్తి జస్టిస్ అరుణ్ భరద్వాజ్ ఆదేశాలు జారీ చేశారు. ఈ కేసులో నిందితులకు అభియోగపత్రాలను, డాక్యుమెంట్లను కూడా పంపినట్లు కోర్టు పేర్కొంది.