అద్దంకి, మార్చి 4: అద్దంకి మండలం వెంపరాల గ్రామ సమీపంలోని గుండ్లకమ్మ వద్ద బొప్పూడి శ్యాంసన్(45) హత్యకు గురయ్యాడు. ఆదివారం ఉదయం మృతుని బంధువుల ఫిర్యాదు మేరకు అద్దంకి సిఐ హైమారావు ఘటనా స్థలానికి వెళ్ళి మృతదేహాన్ని పరిశీలించారు. శ్యాంసన్‌ను శనివారం రాత్రి హత్య చేసి ఉంటారని పోలీసులు భావిస్తున్నారు. హంతకులను పట్టుకునేందుకు ఒంగోలు నుండి జాగిలాలను, వేలిముద్రల సేకరించేందుకు క్లూస్‌టీంను రప్పించారు.

దర్భంగా, మార్చి 4: ఫాస్ట్ ట్రాక్ న్యాయమూర్తి ఒకరు ఆదివారం జరిగిన రోడ్డు ప్రమాదంలో మరణించారు. ఫాస్ట్ ట్రాక్ న్యాయమూర్తి అరుణ్‌కుమార్ ఝా (61), మధుబని జిల్లాలోని గారాటోల్ గ్రామం నుంచి పాట్నాకు తిరిగి వస్తుండగా, ఎన్‌హెచ్-7 పైన డివైడర్‌ను కారు ఢీకొని బోల్తా పడింది.

సిరిసిల్ల, మార్చి 4: సిరిసిల్ల మండలం పెద్దూరు గ్రామంలో విద్యుత్ లైన్లు తెగి పడి 21 గొర్రెలు దుర్మరణం చెందాయి. ఆదివారం సాయంత్రం జరిగిన విద్యుతాఘాతం ఉదంతంలో గొర్రెల మందపై విద్యుత్ వైర్లు తెగి పడడంతో మందలో ఉన్న మొత్తం గొర్రెలు మృత్యువాతకు గురయ్యాయి. సలంద్రి మల్లయ్యకు చెందిన గొర్రెలను పెద్దూరులోని పెల్లెలో ఏర్పాటు చేసుకున్న దొడ్డికి చుట్టూ రక్షణగా ఇనుప కంచె నిర్మించారు.

కట్టంగూర్, మార్చి 4: సెలవుదినం రోజున సరదాగా ఇంటి ముందు ఆడుకుంటున్న ముక్కుపచ్చలారని మూడేళ్లబాలుడిని ట్రాక్టర్ ఢీకొట్టడంతో అక్కడికక్కడే దుర్మరణం చెందిన విషాద సంఘటన మండలపరిధిలోని ఈదులూరు గ్రామంలో ఆదివారం చోటుచేసుకుంది. గ్రామస్థులు తెలిపిన వివరాల ప్రకారం ఈదులూరు గ్రామంలోని పందెనపల్లి రోడ్డులో అదేగ్రామానికి చెందిన జి.నర్సింహ అనేవ్యక్తికి చెందిన ట్రాక్టర్ సమీపంలో నిలిపి ఉంది.