సూపర్ స్టార్ మహేష్‌బాబు సుకుమార్ దర్శకత్వంలో 26వ సినిమా చేయనున్న విషయం తెలిసిందే. తాజా సమాచారం ప్రకారం ఈ చిత్రం వచ్చే ఏడాది ఏప్రిల్ నుండి మొదలుకానుందని తెలుస్తోంది. అయితే మహేష్ ఈ సినిమాకు మేనుండి వరుసగా డేట్లు ఇచ్చాడు. మహేష్ కాంబినేషన్‌లోని సీన్లను మేనుండి ఫారెన్ లొకేషన్స్‌లో షూట్ చేయనున్నారు. ఇక మహేష్‌బాబు సరసన రకుల్‌ప్రీత్ కథానాయికగా నటిస్తున్నట్లు ఆమధ్య వార్తలు వచ్చాయి.

రామ్‌చరణ్, బోయపాటి శ్రీను కాంబినేషన్‌లో తెరకెక్కుతోన్న చిత్రం ‘వినయ విధేయ రామ’. నిర్మాత దానయ్య డివివి చిత్రాన్ని నిర్మిస్తున్నారు. బాలీవుడ్ బ్యూటీ కియరా అద్వాని హీరోయిన్‌గా నటిస్తున్న చిత్రంలో ప్రశాంత్, ఆర్యన్ రాజేశ్, స్నేహ, వివేక్ ఒబెరాయ్ తదితరులు ప్రధాన తారాగణం. భారీ బడ్జెట్‌తో రూపొందుతోన్న యాక్షన్ ఎంటర్‌టైనర్‌ను 2019 సంక్రాంతికి విడుదల చేస్తున్నారు. టాకీపార్ట్ చిత్రీకరణ పూర్తయ్యింది.

ప్రియాంక చోప్రా -నిక్ జోనాస్ త్వరలో పెళ్లి చేసుకోబోతున్న విషయం తెలిసిందే. దానికి సంబంధించిన ప్రీవెడ్డింగ్ పార్టీ నిన్న ముంబైలో జరిగింది. ఆ పార్టీకి బాలీవుడ్‌కు చెందిన కొందరు సన్నిహితులు హాజరయ్యారు. వారితోపాటు నిక్ సోదరుడు జోయ్ జోనాస్, ఆయన గర్ల్‌ఫ్రెండ్ సోఫిటర్నర్ హాజరయ్యారు.

సెనే్సషన్‌కు కేరాఫ్ అడ్రస్ రాఖీసావంత్ తాజాగా పెళ్ళిచేసుకోబోతున్నట్టు ప్రకటించింది. వరుడు ఎవరోకాదు దీపక్‌కలాల్. రాఖీ ఎలాంటి వివాదాలు సృష్టిస్తుందో దీపక్ అంతకుమించి. రాఖీ సావంత్.. దీపక్‌కలాల్ ఇద్దరూ తమ పెళ్ళి డిసెంబర్ 31న సాయంత్రం 5.55 గంటలకు అమెరికాలోని లాస్ ఏంజెలెస్ సిటీలో జరుగుతుందని తమ ఇన్స్టాగ్రామ్ ఖాతాల ద్వారా వెడ్డింగ్‌కార్డ్ పోస్ట్ చేశారు.