భద్ర, సింహలాంటి చిత్రాలకు రచయితగా పనిచేసిన కొరటాల శివ, మిర్చితో దర్శకుడిగా మారాడు. తర్వాత శ్రీమంతుడు, జనతాగ్యారేజ్, భరత్ అనే నేను వంటి వరుస హిట్లుతో అగ్ర దర్శకుల జాబితాలోకి చేరిపోయాడు. ప్రస్తుతం ఇండస్ట్రీలోని టాప్ ప్రొడ్యూసర్లు, టాప్ హీరోలు కొరటాల కోసం క్యూకట్టే పరిస్థితి ఉంది. అయితే, కొరటాల చిరంజీవితో సినిమా చేసే పనిలో ఉన్నట్టు సమాచారం.

తమ్మారెడ్డి భరద్వాజ సమర్పణలో ఓ చిత్రం తెరమీదకు రానుంది. ‘పలాస 1978’ పేరిట కరుణకుమార్ దర్శకత్వంలో అప్పారావు బెల్లాన, అట్లూరి వరప్రసాద్ నిర్మించనున్నారు. రఘు కుంచె సంగీతాన్ని, వినె్సంట్ అరుల్ సినిమాటోగ్రఫీని సమకూరుస్తున్నారు. నిర్మాతలు మాట్లాడుతూ యదార్థ సంఘటనల ఆధారంగా ‘పలాస 1978’ చిత్రాన్ని తెరమీదకు తెస్తున్నామన్నారు.

కోలీవుడ్‌లో అందరూ ఫైర్‌బ్రాండ్ అనీ పిలిచే హీరోయిన్‌గా మంచి ఇమేజ్ తెచ్చుకుంది వరలక్ష్మి. ప్రముఖ నటుడు శరత్‌కుమార్ కూతురిగా సినిమాల్లోకి ఎంట్రీ ఇచ్చిన ఈమె, హీరోయిన్‌గానే కాకుండా విభిన్నమైన పాత్రల్లో నటిస్తూ బిజీగా మారింది. ఇటీవలే పందెంకోడి 2 చిత్రంలో నెగెటివ్ షేడ్‌లో నటించి మంచి మార్కులు కొట్టేసింది. తాజాగా విజయ్-మురుగదాస్‌ల కాంబినేషన్‌లో తెరకెక్కిన సర్కార్ చిత్రంలో నటించింది.

టాలీవుడ్ చందమామ కాజల్ అగర్వాల్ బంపర్ ఆఫర్ కొట్టిందనే వార్త ప్రస్తుతం ఫిలిం వర్గాల్లో హాట్ టాపిక్‌గా మారింది. తెలుగు తమిళ భాషల్లో స్టార్ హీరోయిన్‌గా ఇమేజ్ అందుకున్న కాజల్, అటు స్టార్ హీరోలతోపాటు కుర్ర హీరోలకు జోడీకడుతూ కొత్త ట్రెండ్‌కు స్వీకారం చుడుతోంది. గత ఏడాది చిరంజీవితో ఖైది నెం 150లో నటించిన ఈమె, రామ్‌చరణ్‌తో నాలుగు సినిమాల్లో నటించిన విషయం తెలిసిందే.