దర్శకుడు వివి వినాయక్ హీరోగా కనిపించాల్సిన సినిమా -శీనయ్య. ఆట్టహాసంగా మొదలై కొద్దిరోజులు షూటింగ్ జరుపుకున్న చిత్రం.. ఇప్పుడు ఉందో లేదో వస్తుందో రాదో తెలీకుండా పోయింది. నిర్మాత దిల్ రాజును దర్శకుడు నరసింహరాజు స్క్రిప్ట్‌తో సంతృప్తిపర్చలేకపోయిన కారణంగానే సినిమా షూటింగ్ ఆగిపోయిందంటూ కొంతకాలం ప్రచారం జరిగింది. కథనాలు వినిపించినట్టే -ఇండస్ట్రీలో శీనయ్య ఊసే లేకుండాపోయింది.

దర్శకుడు శీను వైట్ల కెరీర్‌లో ఎవర్ గ్రీన్ సినిమా - ఢీ. హీరోగా మంచు విష్ణుకీ గొప్ప ఎలివేషన్ ఇచ్చిన సినిమా. వినోదభరిత చిత్రంగా ఆడియన్స్‌ని ఎంటర్‌టైన్ చేసిన ఢీ -శీను వైట్లను పెద్ద దర్శకుల వరుసలోకి నెట్టింది. అలాంటి సినిమాకు సీక్వెల్ చేయడానికి రెడీ అవుతున్నాడు విష్ణు. ఓ ఇంటర్వ్యూలో ‘ఢీ’ విషయాన్ని ప్రస్తావిస్తూ -ఇంతవరకూ నేను చేసిన సినమాల్లో బాగా ఇష్టమైన సినిమా అది.

హిట్టు సినిమాకు సీక్వెల్‌గా నిఖిల్, కార్తికేయ కాంబోలో రానున్న భవిష్యత్ ప్రాజెక్టు -కార్తికేయ 2. ప్రీ ప్రొడక్షన్స్ పనుల్లో బిజీగా ఉన్నామంటూ చిత్రబృందం ప్రకటిస్తున్నా -సెట్స్‌పైకి వెళ్లడానికి ఆలస్యమయ్యే పరిస్థితే కనిపిస్తోంది. సీక్వెల్ చేసే ఉద్దేశంతో చాలాకాలం క్రితమే స్క్రిప్ట్ పనులు పూర్తి చేసినా -సెట్స్‌పైకి వెళ్లడానికి దర్శక నిర్మాతల మధ్య ఏకాభిప్రాయం సాధ్యం కావడం లేదన్న మాట వినిపిస్తోంది.

కెరీర్ కాలం పుష్కరం దాటేయడంతో -సీనియర్ బ్యూటీ కాజల్‌కు తెలుగులో పెద్దగా సినిమాలు పడటం లేదు. పైగా రెమ్యునరేషన్ విషయంలోనూ చందమామ కిందకు దిగడానికి ఇష్టపడక పోతుండటంతో -హీరోయిన్‌గా కాజల్ గురించి ఆలోచించే దర్శక, నిర్మాతలూ కనిపించటం లేదు. ఈ పరిస్థితుల్లో -సురేష్ ప్రొడక్షన్స్ తెరకెక్కించనున్న కొరియన్ రీమేక్‌లో చందమామకు చాన్స్ తగిలేలా ఉందన్న టాక్ వినిపిస్తోంది.