చెన్నై, నవంబర్ 10: తమిళనాడులో మరో కొత్త రాజకీయ పార్టీ ఏర్పాటు కానుంది. తాను కొత్త పార్టీ ఏర్పాటు చేస్తానని ప్రముఖ నటుడు కమల్ హసన్ ప్రకటించిన సంగతి తెలిసిందే. అదే బాటలో తమిళ సూపర్‌స్టార్ రజనీకాంత్ పయనిస్తున్నారు. తన జన్మదినోత్సవం సందర్భంగా డిసెంబర్ 12న కొత్త రాజకీయ పార్టీ ఏర్పాటుపై రజనీకాంత్ ఓ ప్రకటన చేస్తారని తెలిసింది. ఏదైనా పార్టీలో చేరడమా చేరవచ్చని మీడియాలో కథనాలు వెలువడ్డాయి.

పాట్నా, నవంబర్ 10: బిహార్ మాజీ ముఖ్యమంత్రి లాలు ప్రసాద్ యాదవ్ శుక్రవారం ఇక్కడ తన చిన్న కుమారుడు తేజస్వి యాదవ్ వచ్చే అసెంబ్లీ ఎన్నికల్లో పార్టీ ముఖ్యమంత్రి అభ్యర్థిగా ఉంటారని సంకేతాలు ఇచ్చారు. రాష్ట్రీయ జనతాదళ్ (ఆర్‌జేడీ) రాష్ట్ర అధ్యక్షుడు రామచంద్ర పూర్వే రాష్ట్రంలో తేజస్వి యాదవ్ నాయకత్వంలో తమ పార్టీ తరువాత ప్రభుత్వాన్ని ఏర్పాటు చేస్తుందని ఇదివరకే పేర్కొన్నారు.

న్యూఢిల్లీ, నవంబర్ 10: న్యాయమూర్తుల పేరు చెప్పి లంచాలు వసూలు చేశారన్న ఆరోపణలను సర్వోన్నత న్యాయస్థానం తీవ్ర స్థాయిలో పరిగణించింది. ‘న్యాయ స్రవంతిని మలినం చేయాలని ఎవరు ప్రయత్నించినా తాము అనుమతించేది లేద’ని న్యాయమూర్తులు ఏకే సిక్రి, అశోక్ భూషణ్ నేతృత్వంలోని ధర్మాసనం శుక్రవారం స్పష్టం చేసింది. ఎంతటివారైనా చట్టాన్ని అతిక్రమించలేరని, తీర్పులను అడ్డుకోలేరని వారు అన్నారు.

న్యూఢిల్లీ, నవంబర్ 10: గుర్గావ్ ఇంటర్నేషనల్ స్కూల్‌లో విద్యార్థి అనుమానాస్పద మృతి కేసు అనేక మలుపులు తిరుగుతోంది. ప్రద్యుమ్న ఠాకూర్ (8) అనే విద్యార్థి హత్య దేశ వ్యాప్తంగా తీవ్ర సంచలన రేపింది. తొలుత బస్సు కండక్టర్ అశోక్‌కుమార్‌ను అనుమానించిన పోలీసులు అతడిని అరెస్టు చేసి రిమాండ్ తరలించారు. కేసును లోతుకంటూ విచారించగా సీనియర్ విద్యార్థే ఈ ఘాతుకానికి పాల్పడినట్టు వెల్లడైంది.