లక్నో, నవంబర్ 12: ఉత్తరప్రదేశ్‌లో జరగనున్న స్థానిక సంస్థ ఎన్నికల్లో అత్యధిక స్థానాలు కైవసం చేసుకునేందుకు బీజేపీ ప్రయత్నాలు ప్రారంభించింది. ఇందులో భాగంగానే ఆదివారంనాడు లక్నోలోని పార్టీ ప్రధాన కార్యాలయంలో ‘సంకల్ప పత్రం’ను విడుదల చేశారు.

త్రిశూర్, నవంబర్ 12: బెయిల్‌పై బయటికొచ్చిన ఆర్‌ఎస్‌ఎస్ కార్యకర్త హత్యకు గురవ్వడం కేరళలో సంచలనం సృష్టించింది. త్రిశూర్ జిల్లా గురువయ్యూర్‌లో ఆర్‌ఎస్‌ఎస్ కార్యకర్త పి ఆనంద్‌ను గుర్తు తెలియని దుండగులు హత్య చేశారు. మూడేళ్ల క్రితం వామపక్ష కార్యకర్త కాశిమ్ హత్య కేసులో అరెస్టై జైలు శిక్ష అనుభవిస్తున్న ఆనంద్, ఇటీవలే బెయిల్‌పై విడుదలయ్యాడు.

జమ్మూ, నవంబర్ 11: భారత్ వత్తిళ్లకు పాకిస్తాన్ తలవంచక తప్పలేదు. తమ చెరలో ఉన్న మాజీ నేవీ ఉద్యోగి కుల్‌భూషణ్ జాదవ్‌ను కలవడానికి అతడి భార్యకు అనుమతి లభించినట్టు కేంద్ర మంత్రి జితేంద్ర సింగ్ శనివారం వెల్లడించారు. గూఢచర్యం, ఉగ్రవాద కార్యకలాపాల అభియోగంపై జాదవ్‌కు పాక్ సైనిక కోర్టు ఉరిశిక్ష విధించిన సంగతి తెలిసిందే. అంతర్జాతీయ న్యాయస్థానం జోక్యంతో శిక్ష అమలును నిలిచిపోయింది.

లక్నో, నవంబర్ 11: అభివృద్ధి పేరుతో ప్రజల్లో విద్వేష భావాన్ని పెంపొందించడంలో యుపి ప్రభుత్వం తనకు తానే సాటి అని ఆ రాష్ట్ర మాజీ ముఖ్యమంత్రి అఖిలేష్ యాదవ్ దుయ్యబట్టారు. సమాజాన్ని రెండుగా చీల్చడంలో బిజెపి నాయకులను మించినవారు లేరని ఆయన ఆరోపించారు. మా ప్రభుత్వ హయాంలో చేపట్టిన ప్రాజెక్టులను యోగి ఆదిత్యనాథ్ ప్రభుత్వం మళ్లీ శంకుస్థాపనలు చేయడం సిగ్గుచేటని అన్నారు.