నాగపూర్, ఏప్రిల్ 14: నగదు రహిత లావాదేవీలను ప్రోత్ససించేందుకు నరేంద్ర మోదీ ప్రభుత్వం ప్రవేశపెట్టిన లక్కీ గ్రాహక్ యోజన, డిజిధన్ వ్యాపార్ యోజన కింద నగదు అవార్డులు ఇస్తామని ప్రకటించిన విషయం తెలిసిందే. అంబేద్కర్ జయంతి సందర్భంగా శుక్రవారం నాగపూర్‌లో నిర్వహించిన మెగా డ్రా లో విజేతలకు ప్రధాని నరేంద్ర మోదీ చేతుల మీదుగా ఈ అవార్డులను అందజేశారు.

నాగపూర్, ఏప్రిల్ 14:కేంద్ర ప్రభుత్వం అత్యంత ప్రతిష్టాత్మకంగా చేపట్టిన డిజిధన్ ఉద్యమం కేవలం అవినీతిని అంతం చేయడానికే ఉద్దేశించింది కాదని, దీని వల్ల పేదల గళానికి మరింత బలం చేకూరుతుందని ప్రధాని నరేంద్ర మోదీ అన్నారు. నగదు రహిత లావాదేవీలను విస్తృతంగా ప్రోత్సహించే లక్ష్యంతో అంబేద్కర్ 126వ జయంతి సందర్భంగా శుక్రవారం నాడిక్కడ రెండు కీలక పథకాలను ఆయన ప్రారంభించారు.

న్యూఢిల్లీ, ఏప్రిల్ 14: పెద్ద నోట్ల రద్దు తరువాత దేశంలోని నల్లధనాన్ని వెలికితీయడంలో నిమగ్నమైన ఆదాయపు పన్ను (ఐటి) శాఖ శుక్రవారం ‘ఆపరేషన్ క్లీన్ మనీ’ రెండో దశను ప్రారంభించింది. ఈ రెండో దశలో దర్యాప్తు చేయడానికి 60వేలకు పైగా మందిని గుర్తించింది. వీరంతా పెద్ద నోట్లను రద్దు చేసి, పాత నోట్లను మార్చుకునేందుకు అవకాశం కల్పించిన కాల పరిమితి సమయంలో అక్రమాలకు పాల్పడినట్లుగా భావిస్తోంది.

న్యూఢిల్లీ, ఏప్రిల్ 14: పార్టీ సంస్థాగత ఎన్నికలు, కొత్త కార్యవర్గం ఏర్పాటు, మంత్రివర్గం పునర్ వ్యవస్థీకరణ, రాష్టప్రతి, ఉప రాష్టప్రతి ఎన్నికలు, వచ్చే సంవత్సరం తొమ్మిది రాష్ట్రాల్లో జరిగే అసెంబ్లీ ఎన్నికల్లో అనుసరించవలసిన వ్యూహం గురించి చర్చించేందుకు బిజెపి జాతీయ కార్యవర్గం శనివారం ఒడిశ్శా రాజధాని భువనేశ్వర్‌లో సమావేశమవుతోంది.