న్యూఢిల్లీ, ఆగస్టు 23: గత ఫిబ్రవరి 9న ఢిల్లీలోని జవహర్‌లాల్ నెహ్రూ యూనివర్శిటీలో జరిగిన ఓ వివాదాస్పద కార్యక్రమంలో పాల్గొన్నందుకు వివిధ రకాల శిక్షలను ఎదుర్కొన్న 21 మంది విద్యార్థులు తప్పు చేశారని అపెలేట్ అథారిటీ అభిప్రాయపడింది. అయితే వీరిలో కొంతమందిపై విధించిన ఆర్థికపరమైన జరిమానాలను ఆ అథారిటీ తగ్గించింది.

మీరట్ః ఒలింపిక్స్ లో కాంస్య పతకం తెచ్చిన రెజ్లర్ సాక్షి మాలిక్ పై సోషల్ మీడియాలో అభ్యంతరకర వ్యాఖ్యలు చేసినందుకు ఓ వ్యక్తిపై కేసు నమోదైంది. ఆమెకు, ఆమె మతానికి వ్యతిరేకంగా వ్యాఖలు చేసినందుకు నదీమ్ నంబార్డర్ అనే వ్యక్తిపై ఐటి చట్టంకింద కేసు నమోదు చేసినట్లు మీరట్ పోలీసులు తెలిపారు.

ముంబయి: తెలంగాణ, మహారాష్ట్రల మధ్య గోదావరి నదిపై నిర్మించే బ్యారేజీలకు సంబంధించి మంగళవారం కీలక ఒప్పందం కుదిరింది. ముంబయిలోని సహ్యాద్రి అతిథిగృహంలో మహారాష్ట్ర, తెలంగాణ ముఖ్యమంత్రులు దేవేంద్ర ఫడణవీస్‌, కేసీఆర్‌ల సమక్షంలో ఉన్నతాధికారులు ఒప్పందంపై సంతకాలు చేశారు. ఈ ఒప్పందం తర్వాత తెలంగాణ ప్రభుత్వం మూడు బ్యారేజీలు, మహారాష్ట్ర రెండు బ్యారేజీల నిర్మాణం చేపట్టనున్నాయి.

ఢిల్లీ : ఈ విద్యా సంవత్సరానికి ఆంధ్రప్రదేశ్‌లో 900, తెలంగాణలో 550 ఎంబీబీఎస్‌ సీట్లు పెరిగాయి. నిబంధనలు పాటించినప్పటికీ తమ దరఖాస్తుల్ని భారత వైద్య మండలి పరిగణనలోకి తీసుకోలేదంటూ వివిధ వైద్య కళాశాలలు సుప్రీంకోర్టును ఆశ్రయించాయి. ఆయా కళాశాలల దరఖాస్తులను పరిశీలించేందుకు సుప్రీంకోర్టు ఒక ఓవర్‌సైట్‌ కమిటీని ఏర్పాటు చేసింది.