రాయ్‌గఢ్: ఈ కాపలదారుడు పేదల కోసమే పనిచేస్తాడని, ఎపుడు అప్రమత్తంగా ఉంటాడని ప్రధాని నరేంద్ర మోదీ అన్నారు. ఆయన చత్తీస్‌గఢ్‌లోని రాయగఢ్‌లో నిర్వహించిన బీజేపీ బహిరంగ సభలో మాట్లాడుతూ కాంగ్రెస్‌పై విమర్శలు గుప్పించారు. చత్తీసగఢ్‌లో కాంగ్రెస్ అధికారంలోకి చవ్చిన తరవాత సీబీఐని రానివ్వటంలేదని, కేంద్ర వైద్య ఆరోగ్య పథకాలను వద్దంటున్నారని అన్నారు.

న్యూఢిల్లీ: కల్తీ మద్యం సేవించి ఉత్తరాఖండ్, ఉత్తరప్రదేశ్‌లలో 30 మంది చనిపోయారు. ఉత్తరప్రదేశ్‌లోని సహరన్‌పూర్, ఖుషీనగర్‌లో కల్తీమద్యం సేవించి 16మంది చనిపోగా తొమ్మిది మంది అధికారులను సస్పెండ్ చేశారు. ఈ రెండు గ్రామాల్లో జరిగిన వేడుకల సందర్భంగా కల్తీ మద్యం సేవించారు. కాగా మృతుల కుటుంబాలకు రెండు లక్షల పరిహారం, అస్వస్థతగురైన వారికి రూ.50,000 వేలు ముఖ్యమంత్రి యోగి ఆదిత్యానాథ్ ప్రకటించారు.

న్యూఢిల్లీ: రఫేల్ ఒప్పందంపై కాంగ్రెస్ పార్టీ అధ్యక్షుడు రాహుల్ గాంధీ మరోసారి కేంద్ర ప్రభుత్వంపై విరుచుకుపడ్డారు. ఈ ఒప్పందానికి సంబంధించి ప్రధాని మోదీ అసత్యాలు చెబుతున్నారని ఆరోపించారు. ఆయన మీడియాతో మాట్లాడుతూ రఫేల్ ఒప్పందంపై పీఎంఓ, రక్షణ మంత్రత్వ శాఖ జోక్యం ఉందని ఆరోపించారు. తాము గత ఏడాది కాలంగా దీనిపై మాట్లాడుతున్నా మోదీ, రక్షణ శాఖ మంత్రి విశ్వాసంగా అబద్ధాలు చెబుతూనే ఉన్నారని అన్నారు.

లక్నో: లోక్‌సభ ఎన్నికల సమీపిస్తున్న వేళ యోగి ఆదిత్యనాథ్ నాయకత్వంలోని యూపీ ప్రభుత్వం గురువారం ప్రవేశపెట్టిన బడ్జెట్‌లో అభివృద్ధి పథకాలకు పెద్దపీట వేసింది. ముఖ్యంగా బీజేపీ అగ్రనేత, దివంగత మాజీ ప్రధాని ఏబీ వాజపేయి పేరుతో ఓ మెడికల్ యూనివర్శిటీని ప్రకటించారు.