త్రివిద దళాల పాటవానికి ప్రతీకగా గణతంత్ర వేడుకలకు భారత్ సన్నద్ధమవుతోంది. నౌక, వైమానిక, పదాతి దళాలు ఇందుకు సిద్ధమవుతున్నాయి. సోమవారం ఢిల్లీలో రిహార్సల్స్ అద్భుతంగా జరిగాయి. మహిళా సైన్యం కూడా ఇందులో ఉత్సాహంగా పాల్గొంది. కనువిందుగా సాగిన ఈ కవాతు సైనిక పటిమకు అద్ధం పట్టింది

లక్నో, జనవరి 14: లోక్‌సభ ఎన్నికల తరువాత కేంద్రంలో ఏ ప్రభు త్వం ఏర్పాటవుతుందో నిర్ణయించేదీ బిహార్, యూపీలేనని ఆర్జేడీ నేత తేజస్వీ యాదవ్ స్పష్టం చేశారు. యూపీలో ఎస్పీ,బీఎస్పీ ఎన్నికల పొత్తు నేపథ్యంలో సోమవారం ఆయన ఇక్కడ మీడియాతోమాట్లాడారు. ఇది ఒక్క యూపీకే కాదు దేశంలో ఇలాంటి పొత్తులు ఏర్పడతాయని ఆయన చెప్పారు. కేంద్రంలో ప్రభుత్వం ఏ ప్రభుత్వం ఉండాలో నిర్ణయించేది బిహార్, యూపీ ప్రజలేనని ఆయన అన్నారు.

లఖింపూఖేరి (ఉత్తరప్రదేశ్), జనవరి 14: పొరుగునున్న పాకిస్తాన్ అనుసరిస్తున్న ఉగ్రవాద అనుకూల అస్థిర కార్యకలాపాల వల్ల కాశ్మీర్ ఓ సవాల్‌గానే పరిణమిస్తోందని హోం మంత్రి రాజ్‌నాథ్ సింగ్ అన్నారు. పాకిస్తాన్ ఎన్ని కుయుక్తులు, కుతంత్రాలకు పాల్పడ్డా సరిహద్దుల్లో అరాచకాలకు ఒడిగడుతున్నా భారత దళాలు సమన్వయంతో తిప్పికొడుతున్నాయని సోమవారంనాడు ఇక్కడ మీడియాతో అన్నారు.

న్యూఢిల్లీ, జనవరి 14: నిష్పాక్షికంగా, నిజాయితీగా దేశంలో ఎన్నికలు జరిగేందుకు తమ వంతు తోడ్పాటు అందించాలని ఫేస్‌బుక్ సహా సామాజిక మీడియా సంస్థలకు భారత ఇంటర్‌నెట్, మొబైల్ అసోసియేషన్ పిలుపునిచ్చింది. ముఖ్యంగా ఫేస్‌బుక్ వంటి సామాజిక మాధ్యమాలు ఎన్నికలు నిజాయితీగా, పారదర్శకంగా జరిగేందుకు అత్యంత కీలకంగా మారనున్నాయని పేర్కొంది.