బీహర్: బీజేపీలో ఏమైన ఇబ్బందులు ఉంటే నటుడు శత్రుఘ్న సిన్హా పార్టీ నుంచి వైదొలగొచ్చవచ్చని బీజేపీ సీనియర్ నేత, బీహర్ ఉప ముఖ్యమంత్రి సుశీల్ మోదీ అన్నారు. ఆయన మీడియాతో మాట్లాడుతూ అసంతృప్తి నేత యశ్వంత్ సిన్హా ప్రభావానికి లోనై శత్రుఘ్న వాడుతున్న భాష తీవ్ర అభ్యంతరకరంగా ఉందని అన్నారు. అసలు ఆయన పార్టీలో ఎందుకు ఉండాలని ప్రశ్నించారు.

న్యూఢిల్లీ: శబరిమలైలోకి ప్రవేశించి అయ్యప్ప దర్శనం చేసుకున్న బిందు, కనకదుర్గ అనే మహిళలు సుప్రీం కోర్టులో పిటిషన్ దాఖలు చేశారు. తమకు ప్రాణ హాని వుందని, రక్షణ కల్పించాలని వారు ఆ పిటిషన్‌లో కోరారు. సుప్రీం కోర్టు రేపు విచారణకు స్వీకరించనున్నది. ఈ ఇరువురు ఈనెల 2న అయ్యప్ప ఆలయాన్ని సందర్శించిన విషయం విదితమే. దీంతో హిందు సంస్థలు ఆగ్రహం వ్యక్తంచేస్తూ ఆందోళనలు చేస్తున్న విషయం విదితమే.

మేఘాలయ: నెల రోజుల క్రితం ఇక్కడి బొగ్గు గనిలో జరిగిన ప్రమాదానికి సంబంధించి జరుగుతున్న గాలింపు చర్యల్లో భాగంగా గురువారంనాడు ఒక మృతదేహం బయటపడింది. ఆర్మీ, అగ్నిమాపక సిబ్బంది, నేషనల్ డిజార్ట్స్ రెస్పాన్స్ ఫోర్స్, కోల్ సిబ్బంది విస్తత్రంగా గాలింపు చర్యలు చేపడుతూనే ఉన్నారు. గురువారం నాడు లభించిన కార్మికుని మృతదేహాన్ని గుర్తించాల్సి ఉంది. దాదాపు 160 అడుగుల లోతులో ఈ మృతదేహం లభ్యమైంది.

న్యూఢిల్లీ, జనవరి 16: వైద్య పరీక్షల నిమిత్తం కేంద్ర ఆర్థిక శాఖ మంత్రి అరుణ్ జైట్లీ ఆదివారం రాత్రి హుటావుటిన అమెరికాకు బయలుదేరి వెళ్లడం రాజకీయ వర్గాల్లో చర్చనీయాంశంగా మారింది. ఆయన కిడ్నీ సంబంధిత సమస్యలపై పరీక్షల నిమిత్తం అమెరికాకు వెళ్లినట్లు అధికార వర్గాలు తెలిపాయి. వచ్చే నెల 1వ తేదీన అరుణ్ జైట్లీ ఎన్డీఏ సర్కార్ ఓటాన్ అకౌంట్ బడ్జెట్‌ను పార్లమెంటులో ప్రవేశపెట్టనున్నారు.