కరవుతీరా వానలు
Published Monday, 26 September 2016హైదరాబాద్, సెప్టెంబర్ 25: తెలంగాణలో పండుగ ముందే వచ్చింది. కరవుతీరా వానలు కురుస్తుండటంతో రాష్ట్రంలోని చెరువులు, కుంటలు, బావులు, వంకలు, వాగులు నిండిపోయాయి. భారీ, మధ్య తరహా ప్రాజెక్టులు కళకళలాడుతున్నాయి. కృష్ణా, గోదావరి బేసిన్లోని ఎగువ ప్రాంతాల్లో కురుస్తున్న భారీ వర్షాలతోపాటు, తెలంగాణ పీఠభూమిపై కురుస్తున్న భారీ వర్షాలు కరవు తీర్చేసేలాగే కనిపిస్తోంది. 16ఏళ్ల తరువాత సింగూరు ప్రాజెక్టు పూర్తిగా నిండటాన్ని చూస్తే, ఏపాటి వర్షాలు కురుస్తున్నాయో అంచనా వేసుకోవచ్చు.