మెల్బోర్న్: ఐసీసీ మహిళల టీ-20 ప్రపంచ కప్ చాంపియన్‌షిప్‌లో భారత జట్టు హ్యాట్రిక్ విజయాన్ని నమోదు చేసింది. గురువారం అత్యంత ఉత్కంఠ భరితంగా సాగిన మ్యాచ్‌లో న్యూజిలాండ్‌ను మూడు పరుగుల తేడాతో ఓడించింది. డిఫెండింగ్ చాంపియన్ ఆస్ట్రేలియాను మొదటి మ్యాచ్‌లో 17 పరుగుల తేడాతో ఓడించడం ద్వారా సంచలనం సృష్టించిన భారత మహిళలు, రెండో మ్యాచ్‌లో బంగ్లాదేశ్‌పై 18 పరుగుల ఆధిక్యంతో గెలిచారు.

అకాపల్కొ, ఫిబ్రవరి 27: మెక్సికన్ ఓపెన్ టెన్నిస్ టోర్నమెంట్‌లో ప్రపంచ నంబర్ వన్ రాఫెల్ నాదల్ ముందంజ వేశాడు. రెండో రౌండ్‌లో అతను సెర్బియా ఆటగాడు మియోమిర్ కెచ్మానొవిచ్‌ను అతను 6-2, 7-5 తేడాతో ఓడించాడు. మొదటి సెట్‌ను సునాయాసంగానే గెల్చుకున్న నాదల్‌కు రెండో సెట్‌లో ప్రత్యర్థి నుంచి గట్టిపోటీ ఎదురైంది. దీనిని సమర్థంగా తిప్పికొట్టిన నాదల్ ఆ సెట్‌ను కూడా తన ఖాతాలో వేసుకున్నాడు.

కేప్‌టౌన్, ఫిబ్రవరి 27: దక్షిణాఫ్రికాతో జరిగిన అత్యంత కీలకమైన చివరి, మూడో మ్యాచ్‌ని గెల్చుకున్న ఆస్ట్రేలియా టీ-20 సిరీస్‌ను 2-1 తేడాతో తన ఖాతాలో వేసుకుంది. మొదటి రెండు మ్యాచ్‌ల్లో చెరొక విజయాన్ని నమోదు చేయడంతో, చివరిదైన మూడో టీ-20 ప్రధాన్యతను సంతరించుకుంది. ఓపెనర్లు డేవిడ్ వార్నర్, ఆరోన్ ఫించ్ అర్ధ శతకాలతో రాణించడంతో, నిర్ణీత 20 ఓవర్లలో ఆస్ట్రేలియా 5 వికెట్లకు 193 పరుగులు సాధించింది.

కౌలాలంపూర్, ఫిబ్రవరి 27: కరోనా వైరస్ అత్యంత వేగంగా వ్యపిస్తున్న నేపథ్యంలో, ఆసియా చాంపియన్స్ లీగ్ ఫుట్‌బాల్ టోర్నమెంట్‌కు సంబంధించి ఆరు మ్యాచ్‌లను ఆసియా ఫుట్‌బాల్ కాన్ఫడరేషన్ (ఏఎప్‌సీ) వాయిదా వేసింది. ఈ నిర్ణయం నాలుగు ఇరాన్ క్లబ్‌లపై ప్రభావం చూపుతుంది. ఏఎఫ్‌సీ అధికారులు గురువారం అత్యవసరంగా సమావేశమై, కరోనా వైరస్ వ్యాపిస్తున్న వైనంపై సుదీర్ఘంగా చర్చించారు.