ఢాకా, ఫిబ్రవరి 22: కెప్టెన్ క్రెగ్ ఎర్విన్ సెంచరీతో రాణించడంతో, బంగ్లాదేశ్‌తో శనివారం ప్రారంభమైన ఏకైక టెస్టు మ్యాచ్ మొదటి రోజు ఆట ముగిసే సమయానికి జింబాబ్వే తన తొలి ఇన్నింగ్స్‌లో ఆరు వికెట్లకు 228 పరుగులు చేసింది. కేవలం ఏడు పరుగులకే తొలి వికెట్‌ను కెవిన్ కసుజా (2) రూపంలో చేజార్చుకున్న జింబాబ్వేకు ఓపెనర్ ప్రిన్స్ ఏ మాస్వార్‌తో కలిసి కెప్టెన్ ఎర్విన్ అండగా నిలిచాడు.

కొలంబో: ఓపెనర్, వికెట్‌కీపర్ షాయ్ హోప్ అద్భుత సెంచరీ వెస్టిండీస్‌ను ఆదుకోలేకపోయింది. ఓపెనర్లు రాణించడంతో, తొలి వనే్డలో శ్రీలంక తన లక్ష్యాన్ని తొమ్మిది వికెట్ల నష్టంతో చేరుకొని, ఒక వికెట్ తేడాతో విజయం సాధించింది. తొలుత బ్యాటింగ్‌కు దిగిన వెస్టిండీస్ 50 ఓవర్లలో ఏడు వికెట్లకు 289 పరుగులు సాధించింది. హోప్ 140 బంతులు ఎదుర్కొని, పది ఫోర్లంతో 115 పరుగులు చేశాడు.

సిడ్నీ: అంతర్జాతీయ క్రికెట్ మండలి (ఐసీసీ) ఆధ్వర్యంలో జరిగే మహిళల టీ-20 ప్రపంచ కప్ చాంపియన్‌షిప్ పోటీలకు సర్వం సిద్ధమైంది. శుక్రవారం జరిగే తొలి మ్యాచ్‌లో డిఫెండింగ్ చాంపియన్ ఆస్ట్రేలియాతో భారత్ జట్టు ఢీ కొంటుంది. మొత్తం పది జట్లు ఈ మెగా ఈవెంట్‌లో టైటిల్ కోసం పోటీపడుతున్నాయి.

న్యూఢిల్లీ, ఫిబ్రవరి 20: ఆసియా రెజ్లింగ్ చాంపియన్‌షిప్స్‌లో భారత యువ సంచలన రెజ్లర్ దివ్య కక్రాన్ స్వర్ణ పతకాన్ని కైవసం చేసుకొని చరిత్ర సృష్టించింది. ఈ పోటీల్లో టైటిల్ సాధించిన రెండో భారతీయురాలిగా గుర్తింపు సంపాదించింది. కాగా, మరో ఇద్దరు భారత మహిళా రెజ్లర్లు, పింకీ, సరితా మోర్ స్వర్ణ పతకాలను గెల్చుకోగా, నిర్మలా దేవి రజత పతకంతో సంతృప్తి చెందింది.