సిడ్నీలో జరిగిన ఆస్ట్రేలియా ఓపెన్ బాడ్మింటన్ సూపర్ సిరీస్ పురుషుల సింగిల్స్ ట్రోఫీని గెల్చుకున్న తర్వాత, సపోర్టింగ్ స్టాఫ్‌తో ఫొటోలకు ఫోజులిస్తున్న తెలుగు తేజం కిడాంబి శ్రీకాంత్. అతనికి ఇది వరుసగా రెండవ, కెరీర్‌లో నాలుగవ సూపర్ సిరీస్ టైటిల్

న్యూఢిల్లీ: ఆస్ట్రేలియా ఓపెన్ బాడ్మింటన్ సూపర్ సిరీస్ టైటిల్ సాధించిన కిడాంబి శ్రీకాంత్‌ను ప్రధాని నరేంద్ర మోదీసహా పలువురు ప్రముఖులు ప్రశంసించారు. కెరీర్‌లో నాలుగోసారి సూపర్ సిరీస్ టైటిల్‌ను సాధించిన శ్రీకాంత్‌ను మోదీ అభినందించారని పిఎంవో కార్యాలయం ఒక ప్రకటనలో తెలిపింది. శ్రీకాంత్ ఒక అద్భుతాన్ని ఆవిష్కరించాడని కేంద్ర క్రీడాశాఖ మంత్రి విజయ్ గోయల్ ప్రశంసించారు.

ముంబయి, జూన్ 25: లోధా కమిటీ సూచించిన ‘ఒక రాష్ట్రానికి ఒకే ఓటు’ విధానం అమలు ప్రధాన అంశంగా సోమవారం ఇక్కడి ప్రధాన కార్యాలయంలో భారత క్రికెట్ నియంత్రణ బోర్డు (బిసిసిఐ) సమావేశం కానుంది. చీఫ్ కోచ్ అనిల్ కుంబ్లే రాజీనామా, కొత్త కోచ్ ఎంపిక వంటి పలు కీలక అంశాలు కూడా ఈ ప్రత్యేక సర్వసభ్య సమావేశం (ఎస్‌జిఎం)లో చర్చకు వచ్చే అవకాశం ఉంది.

న్యూఢిల్లీ, జూన్ 25: మంగోలియాలో జరిన ఉలాన్‌బాతర్ కప్ బాక్సింగ్ చాంపియన్‌షిప్ పురుషుల 60 కిలోల విభాగంలో భారత యువ బాక్సర్ అంకుష్ దహియా స్వర్ణ పతకం సాధించాడు. 19 ఏళ్ల అంకుష్ చివరి ఫైనల్‌లో కొరియాకు చెందిన మన్ చొయే చొల్‌ను ఓడించాడు. సీనియర్స్ విభా గంలో అతనికి ఇదే తొలి అంతర్జాతీయ పతకం. కాగా, 52 కిలోల విభాగంలో దేవేంద్రో సింగ్ రజత పతకంతో సరిపుచ్చుకున్నాడు.