మెల్బోర్న్, డిసెంబర్ 27: భారత టెస్టు క్రికెట్ జట్టును అప్రతిహతంగా ముందుకు నడిపిస్తూ సర్వత్రా ప్రశంసలు అందుకొంటున్న డైనమిక్ కెప్టెన్ విరాట్ కోహ్లీకి క్రికెట్ ఆస్ట్రేలియా (సిఎ) మరో విశిష్టమైన గౌరవాన్ని కల్పించింది. ఈ ఏడాదికి తాము ఎంపిక చేసిన అంతర్జాతీయ వనే్డ క్రికెట్ జట్టుకు కోహ్లీని సారథిగా నియమించినట్లు క్రికెట్ ఆస్ట్రేలియా మంగళవారం ప్రకటించింది.

నాగర్‌కోయిల్ (తమిళనాడు), డిసెంబర్ 27: తమిళనాడులోని నాగర్‌కోయిల్‌లో జరుగుతున్న సీనియర్ నేషనల్ వెయిట్‌లిఫ్టింగ్ చాంపియన్‌షిప్స్‌లో జిమ్జాంగ్ దేరు సరికొత్త జాతీయ రికార్డు నెలకొల్పాడు. రైల్వే స్పోర్ట్స్ ప్రమోషన్ బోర్డుకు ప్రాతినిథ్యం వహిస్తున్న అతను మంగళవారం పురుషుల క్లీన్ అండ్ జెర్క్ 62 కిలోల విభాగంలో 153 కిలోల బరువు ఎత్తి ఈ రికార్డును సృష్టించడంతో పాటు పసిడి పతకాన్ని కైవసం చేసుకున్నాడు.

న్యూఢిల్లీ, డిసెంబర్ 27: ఇండియన్ సూపర్ లీగ్ (ఐ-లీగ్) 10వ ఎడిషన్ ఫుట్‌బాల్ టోర్నమెంట్ మంగళవారం న్యూఢిల్లీలో ఘనంగా ప్రారంభమైంది. స్ట్రైకర్ సునీల్ చెత్రి సహా పలువురు భారత ఫుట్‌బాల్ స్టార్ల సమక్షంలో అభిమానుల కోలాహలం మధ్య అట్టహాసంగా ఈ టోర్నమెంట్ ప్రారంభమైంది. దేశంలోని నాలుగు ప్రాంతాలకూ చెందిన పది జట్లు ఈ టోర్నీలో తలపడబోతున్నాయి.

న్యూఢిల్లీ, డిసెంబర్ 26: భారత క్రికెట్‌కు పర్యాయపదంగా మారిపోయాడు టెస్టు జట్టు కెప్టెన్ విరాట్ కోహ్లీ. ప్రతి యుద్ధంలోనూ తానే ఒక సైన్యమై దూసుకెళ్లాడు. సహచరులకు మార్గదర్శకంగా నిలిచాడు. ఈ ఏడాది ప్రపంచ క్రికెట్‌పై తమదైన ముద్ర వేసిన అతి కొద్దిమంది క్రికెటర్లలలో కోహ్లీ ముందు వరుసలో నిలిచాడు. టెస్టుల్లోనేగాక, అన్ని ఫార్మెట్స్‌లోనూ అతను అద్వితీయ ప్రతిభ కనబరిచాడు.