కెరమెరి, మార్చి 18: ఆపిల్ పండు తినాలనిపించే వాళ్లు కాశ్మీర్ ఆపిల్ కోసం ఎదురు చూడాల్సిన అవసరం లేదు. వేరే రాష్ట్రాల నుంచి దిగుమతి చేసుకుంటున్న ఆపిల్ పండు కోసం దిగులు పడాల్సిన పని లేదు. ఎందుకంటే కొద్ది రోజులు ఓపిక పడితే చాలా తెలంగాణ లో కెరమెరి ఆపిల్ రాబోతుంది. తెలంగాణ ఆపిల్ రుచి చూసే అవకాశం లభించబోతుంది. ఎంతో ఆరోగ్యకరమైన రుచికరమైన ఆపిల్ మన సొంతం కాబోతున్నాయి.

సిరిసిల్ల, మార్చి 18: సిరిసిల్ల మున్సిపల్ బడ్జెట్ ఆమోదం వివరాలు వెల్లడి సందర్భంగా ఎలక్ట్రానిక్ మీడియాలో తన వ్యాఖ్యలను మార్ఫింగ్ చేసి ప్రచారం చేశారని మున్సిపల్ చైర్‌పర్సన్ పదవికి రాజీనామా చేసిన టీఆర్‌ఎస్‌కు చెందిన సామల పావని వెల్లడించారు.

హైదరాబాద్, మార్చి 18: జాతీయ బీసీ కమిషన్‌కు రాజ్యాంగబద్ధమైన హోదా కల్పించే బిల్లును ఈ పార్లమెంటు బడ్జెట్ సమావేశాల్లోనే ఆమోదించాలని బిసి సంక్షేమ సంఘం జాతీయ అధ్యక్షుడు, ఎమ్మెల్యే ఆర్. కృష్ణయ్య కేంద్ర ప్రభుత్వాన్ని డిమాండ్ చేశారు. లేనిపక్షంలో తాము జాతీయ స్థాయిలో ఆందోళనలు చేస్తామని ఆయన ఆదివారం మీడియాతో మాట్లాడుతూ హెచ్చరించారు.

హైదరాబాద్, మార్చి 18: తెలంగాణ రాష్ట్ర పోలీసు రిక్రూట్‌మెంట్ బోర్డు చైర్మన్‌గా ఐపీఎస్‌ఎస్ అధికారి వివి శ్రీనివాసరావు ఆదివారం బాధ్యతలు స్వీకరించారు. డీజీపి కార్యాలయం రెండో అంతస్తులో ఉన్న రిక్రూట్‌మెంట్ బోర్డు కార్యాలయంలో ఉదయం 9 గంటల సమయంలో ఆయన సంతకం చేసి బాధ్యతలు చేపట్టారు. ఇంతకు ముందు ఆయన హైదరాబాద్ నగర ఇన్‌చార్జి పోలీసు కమిషనర్‌గా పని చేశారు.