హైదరాబాద్, మార్చి 17: పాలమూరు-రంగారెడ్డి ఎత్తిపోతల పథకం విషయంలో కాంగ్రెస్ పార్టీ తుచ్ఛమైన రాజకీయాలకు పాల్పడుతోందని రాష్ట్ర గ్రామీణ, పంచాయతీరాజ్ మంత్రి జూపల్లి కృష్ణారావు, తెలంగాణ మీడియా అకాడమీ చైర్మన్ అల్లం నారాయణ ఆరోపించారు. మీడియా ప్రతినిధులతో మాట్లాడుతూ, ఈ ప్రాజెక్టు చేపట్టకుండా కాంగ్రెస్ పార్టీ నాయకులు అడుగడుగునా అడ్డుకుంటున్నారని ఆరోపించారు.

మహదేవ్‌పూర్: రాబోయే వర్షాకాలం జూన్ మొదటి వారంలో మేడిగడ్డ నుండి అన్నారం, సుందిళ్ల బ్యారేజీల నుండి ఎల్లంపల్లి బ్యారేజీ వరకు నీటిని తరలించేందుకు చర్యలు తీసుకుంటున్నట్టు రాష్ట్ర భారీ నీటిపారుదల శాఖ మంత్రి తన్నీరు హరీశ్‌రావు వెల్లడించారు.

హైదరాబాద్, మార్చి 17: తెలుగు దేశం పార్టీ ఆవిర్భావ దినోత్సవం సందర్భంగా ఈ నెల 29న ఘనంగా వేడుకలు నిర్వహించాలని టి.టిడిపి నిర్ణయించింది. శనివారం టి.టిడిపి అధ్యక్షుడు ఎల్. రమణ అధ్యక్షతన జరిగిన సమావేశంలో పార్టీ ముఖ్య నేతలతో పాటు పార్టీ పార్లమెంటు నియోజకవర్గాల పరిశీలకులూ హాజరయ్యారు. 29న ఉదయం ఎన్టీఆర్ ఘాట్‌కు వెళ్లి, ఎన్టీఆర్‌కు నివాళులర్పించిన అనంతరం బైక్ ర్యాలీ నిర్వహించాలని నిర్ణయించారు.

హైదరాబాద్, మార్చి 17: మానవునికి సంక్రమించే వివిధ రకాల వ్యాధులకు ప్రకృతి సిద్దంగా చికిత్సలు అందించే వైద్య విధానంపై ప్రజల్లో నానాటికి ఆసక్తి పెరుగుతుంది. ఇటీవల ప్రభుత్వం సంప్రదాయ, ఆయుర్వేద వైద్య విధానాలపై విస్తృత ప్రచారం నిర్వహించడంతో అల్లోపతి కంటే ఎలాంటి సైడ్ ఎఫెక్ట్స్ లేని ప్రకృతి వైద్యం ఎంతో మెరుగని భావిస్తున్నారు. దీంతో ఈ వైద్యవిధానాన్ని ఆశ్రయిస్తున్న వారి సంఖ్య రోజు రోజుకు పెరుగుతోంది.