హైదరాబాద్, నవంబర్ 5: తెలంగాణ మదర్సాలలో పనిచేస్తున్న విద్య వలంటీర్లకు బకాయి వేతనలు చెల్లించాలని రాష్ట్ర ఇస్లామిక్ మదారిస్ బోర్డు అధ్యక్షుడు సయ్యద్ దుర్వేష్ మోహినుద్దీన్ ఖాద్రి డిమాండ్ చేశా రు. ఆదివారం ఆయన విలేకరులతో మాట్లాడుతూ, సర్వశిక్ష అభియాన్ పథకంలో భాగంగా పనిచేస్తున్న విద్య వలంటీర్లు వేతనాలు అందక తీవ్ర ఇబ్బందులెదుర్కొంటున్నారని ఆందోళన వ్యక్తం చేశారు.

హైదరాబాద్, నవంబర్ 5: పత్తి రైతుల కు గిట్టుబాటు ధర కల్పించాలని డిమాం డ్ చేస్తూ సోమవారం నుంచి సిపిఐ మార్కెట్ బాట కార్యక్రమానికి శ్రీకారం చుడుతోంది. మద్దతు ధర రూ.4320కి కొనుగోలు చేయాలని, రూ.500 కోట్లతో మార్కెట్ ధరల స్ధిరీకరణ నిధిని ఏర్పాటు చేయాలని సిపిఐ తెలంగాణ రాష్ట్ర కార్యదర్శి చాడ వెంకటరెడ్డి డిమాండ్ చేశారు. ఆదివారం ఆయన ఒక ప్రకటన విడుదల చేశారు.

హైదరాబాద్, నవంబర్ 5: సమసమాజ నిర్మా ణం కోసం మనమంతా పాటుపడాలని మాజీ ఎమ్మె ల్సీ కపిలవాయి దిలీప్ కుమార్ పిలుపు ఇచ్చారు. రంగారెడ్డి జిల్లా బాలాపూర్ మండలం బడంగ్‌పేట గ్రామంలోని శ్రీవేంకటేశ్వరస్వామి ఆలయ ప్రాంగణంలో బడంగ్‌పేట నగర బ్రాహ్మణ సేవా సమితి ఆదివారం ఏర్పాటు చేసిన కార్తీక వనసమారాధన కార్యక్రమంలో మాట్లాడుతూ, సమాజంలో అందరికీ సమాన అవకాశాలు ఉండాలన్నారు.

హైదరాబాద్, నవంబర్ 5: శంషాబాద్ అంతర్జాతీయ విమానాశ్రయంలో భారీగా బంగారం పట్టుబడుతోంది. బంగారం అక్రమ రవాణాకు అదుపు లేకుండా పోతోంది. గత మూడేళ్లలో విమానాశ్రయం అధికారులు 142 కేసులు నమోదు చేసి దాదాపు 92 కిలోల బంగారం స్వాధీనం చేసుకున్నారు. కాగా ఆధునిక టెక్నాలజీ వినియోగంతో బంగారం స్మగ్లింగ్‌కు అడ్డుకట్ట వేశామని కస్టమ్స్ అధికారులు తెలిపారు.