హైదరాబాద్, అక్టోబర్ 23: ఈ ఏడాది నవంబర్ 8 నుంచి వారం రోజుల పాటు అంతర్జాతీయ బాలల చలన చిత్రోత్సవం హైదరాబాద్‌లో జరుగనుంది. ఈ ఉత్సవానికి బాలివుడ్, హాలివుడ్‌తో పాటు ప్రపంచంలోని చిత్ర రంగానికి చెందిన అతిరథ మహారథులు హాజరు కానున్నారు. గోల్డెన్ ఎలిఫెంట్ పేరుతో అతి పెద్ద ఉత్సవంగా నిర్వహించే 20వ బాలల చలన చిత్రోత్సవానికి తెలంగాణ ప్రభుత్వం ఆతిధ్యం ఇస్తోంది.

హైదరాబాద్, అక్టోబర్ 23: తెలంగాణ రాష్ట్రంలో ప్రాథమిక ఆరోగ్య రంగంలో లక్ష్యాల సాధనకు సహకారం అందించేందుకు అమెరికాలోని హార్వర్డ్ యూనివర్సిటీ ముందుకు వచ్చింది. ఈ యూనివర్సిటీకి సంబంధించిన సచిన్ బల్సారీ , తరుణ్ కన్నాలు తెలంగాణ వైద్య ఆరోగ్యమంత్రి లక్ష్మారెడ్డితో సమావేశమయ్యారు. వేర్వేరు దేశాల్లో వైద్య ఆరోగ్య రంగాల్లో హార్వర్డ్ యూనివర్సిటీ సహకారం అందిస్తోందని వారు ఈ సందర్భంగా గుర్తు చేశారు.

హైదరాబాద్, అక్టోబర్ 23: తమ పార్టీ సీనియర్ నాయకుడు, మాజీ మంత్రి శ్రీ్ధర్ బాబును రాజకీయంగా అణగదొక్కేందుకు టిఆర్‌ఎస్ కుట్ర చేసిందని టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి ఆరోపించారు. అందుకే గంజాయి కేసు పెట్టి వేధించాలని చూస్తున్నదని ఆయన సోమవారం ఒక ప్రకటనలో విమర్శించారు. దీనిని తాము ఎదుర్కొంటామని, శ్రీ్ధర్ బాబుకు అండగా ఉంటామని ఆయన తెలిపారు.

హైదరాబాద్, అక్టోబర్ 23: తెలంగాణలో ఐటీ రంగం శరవేగంగా దూసుకెళ్తోందని ఐటీ శాఖ ప్రిన్సిపల్ సెక్రటరీ జయేష్‌రంజన్ అన్నారు. కొత్త రాష్ట్రం అయినప్పటికీ ఐటీ రంగంలో తెలంగాణ ఘననీయమైన అభివృద్ధి సాధిస్తుందన్నారు. ఐటీ నిపుణులు సైబర్ నేరాల పట్ల అప్రమత్తంగా ఉన్నారని, ఇటీవల ప్రపంచాన్ని వణికించిన పెట్యార్యాన్సమ్ వేర్ అనేక మాల్వేర్లను హైదరాబాద్ ఐటీ సంస్థలు సమర్ధవంతంగా ఎదుర్కొన్నాయన్నారు.