హైదరాబాద్, అక్టోబర్ 21: విధి నిర్వహణలో అమరులైన పోలీసుల కుటుంబాలను ఆదుకుంటామని, వారి సంక్షేమం కోసం ప్రభుత్వం తరఫున పూర్తి చర్యలు తీసుకుంటామని ముఖ్యమంత్రి కె. చంద్రశేఖరరావు హామీ ఇచ్చారు. అమరులైన పోలీసు సిబ్బందికి పోలీసు అమరవీరుల దినోత్సవం సందర్భంగా అధికారికంగా విడుదల చేసిన ప్రకటన ద్వారా ముఖ్యమంత్రి ఘనంగా నివాళులు అర్పించారు. అమరవీరుల సేవలను స్మరించుకున్నారు.

హైదరాబాద్, అక్టోబర్ 21: తెలంగాణ నుండి ఉపాధికోసం తొమ్మిది నెలల కింద కువైట్ వెళ్లిన ఇద్దరిని అక్కడి బడావ్యాపారవేత్త బానిసలుగా మార్చి, బందీ చేయడంతో రాష్ట్ర మంత్రి కెటిఆర్ చొరవతో వారు విముక్తులయ్యారు. నిజామాబాద్ జిల్లాకు చెందిన మగ్గిడి శేఖర్, ఆదిలాబాద్ జిల్లాకు చెందిన కందుల సాయికుమార్ తొమ్మిది నెలల కింద కువైట్ వెళ్లారు.

హైదరాబాద్, అక్టోబర్ 21: ప్రవాశ భారతీయులు తెలంగాణ విద్యార్థులను ప్రోత్సహించాలని, వర్శిటీల్లో తమ కుటుంబ సభ్యుల పేరిట బంగారు పతకాలు నెలకోల్పాలని, అలాగే విద్యార్థుల చదువులకు స్కాలర్‌షిప్‌లు ఇవ్వాలని ఉన్నత విద్యా మండలి చైర్మన్ ప్రొఫెసర్ టి పాపిరెడ్డి, వైస్ చైర్మన్ ప్రొఫెసర్ వి వెంకట రమణ కోరారు.

మహాదేవపూర్, అక్టోబర్ 21: ఉమ్మడి రాష్ట్రాల గవర్నర్ నరసింహన్ తన తల్లి దివంగత విజయలక్ష్మి అస్తికలను జయశంకర్ భూపాలపల్లి జిల్లాలోని పవిత్ర గోదావరి నదిలో నిమజ్జనం చేశారు. శనివారం ఆయన హైదరాబాద్ నుంచి నేరుగా ప్రత్యేక హెలికాప్టర్ ద్వారా మహాదేవపూర్ మండలం కాళేశ్వరంనకు చేరుకున్నారు. ఇక్కడి త్రివేణి సంగమ నదీ ప్రాంతంలో తన తల్లి అస్తికలను ఆయన నిమజ్జనం చేశారు.