హైదరాబాద్, జూలై 31: ప్రత్యామ్నాయ అడవుల పెంపకం కోసం 2709 ఎకరాల భూమిని సేకరించనున్నట్టు నీటిపారుదల శాఖ మంత్రి తన్నీరు హరీశ్‌రావు తెలిపారు. సాగునీటి ప్రాజెక్టుల నిర్మాణంలో భాగంగా సేకరించిన అటవీ భూములకు ప్రత్యామ్నాయంగా అడవులు పెంచడానికి యుద్ధ ప్రాతిపదికన భూమి సేకరించాలని మంత్రులు తుమ్మల నాగేశ్వరరావు, హరీశ్‌రావు అధికారులను ఆదేశించారు.

గజ్వేల్, జూలై 30: అన్నదాతల ఆత్మహత్యలు రాష్ట్రానికి అరిష్టమని, అవగాహన లేని ప్రాజెక్టుల నిర్మాణంతో పేద రైతులు బుక్కెడు బువ్వ కోల్పోతారని రాజకీయ జెఏసి చైర్మన్ ప్రొఫెసర్ కోదండరాం పేర్కొన్నారు. సిద్దిపేట జిల్లా గజ్వేల్ నియోజకవర్గ కేంద్రంలో ఆదివారం రాత్రి నిర్వహించిన అమరుల స్ఫూర్తియాత్రలో పాల్గొని ఆయన ప్రసంగించారు.

సంగారెడ్డి, జూలై 30: తరతరాలుగా పంటలను పండించుకుంటూ కుటుంబాలను పోషించుకుంటున్న విలువైన భూములు పంటలు పండించుకోవడానికి అనుకూలంగా లేవనే సాకుతూ రిజర్వాయర్ నిర్మాణానికి భూములు అప్పగించాలనడం విడ్డూరంగా ఉందని సిద్దిపేట జిల్లా ములుగు మండలం మామిడ్యాల గ్రామానికి చెందిన రైతు బి.క్రిష్ణ ఆవేదన వ్యక్తం చేసారు.

సంగారెడ్డి, జూలై 30: తెలంగాణ అమరుల స్ఫూర్తి యాత్ర ఒకటి, రెండు విడతల కార్యక్రమానికి లభించిన ప్రజా మద్దతును చూసి ఓర్వలేక మూడవ విడత కార్యక్రమాన్ని నిర్వహించకుండా అడ్డుకునేందుకు ప్రభుత్వం పోలీసులతో వేధింపులకు గురిచేసిందని కోదండరాం ఆవేదన వ్యక్తం చేసారు. అనుమతి కోసం పోలీసుల వద్దకు వెళితే ఏకంగా మూడు గంటల పాటు నాటకీయ పరిణామాలతో రకరకాల అభ్యంతరాలు వ్యక్తం చేసారని ధ్వజమెత్తారు.