చౌటుప్పల్, జూలై 17: బెల్జియం దేశానికి చెందిన ఫార్శితెర్ స్వచ్ఛంద సంస్థ ప్రతినిధుల బృందం దండుమల్కాపురం శివారులోని వెబ్బర్ చైల్డ్ హోం భవన సముదాయానికి శ్రమదానంతో రంగులు వేస్తున్నారు. రాష్ట్ర ప్రభుత్వం ప్రతిష్టాత్మకంగా నిర్వహిస్తున్న హరితహారం కార్యక్రమంలో భాగస్వాములై మొక్కలు నాటారు.

గజ్వేల్, ములుగు, జూలై 17: కొండపోచమ్మ రిజర్వాయర్ ముంపు బాధితులను పరామర్శించేందుకు వచ్చిన రాజకీయ జెఎసి చైర్మన్ ఆచార్య కోదండరాంను సోమవారం సిద్దిపేట జిల్లా బహిళింపూర్‌లో పోలీసులు చుట్టుముట్టి అదుపులోకి తీసుకోవడంతో తీవ్ర ఉద్రిక్తత నెలకొంది. ఈ క్రమంలో పోలీసు వాహనాలను భూ నిర్వాసితులు అడ్డుకొని ధర్నాకు దిగడంతోపాటు వాహనాల ముందు బైఠాయించి ఆందోళనకు దిగారు.

మహబూబాబాద్, జూలై 17: బోనాల పండుగ పురస్కరించుకొని రాష్ట్ర ప్రభుత్వం సెలవుదినంగా ప్రకటించడంతో వరంగల్ అర్బన్ జిల్లా కలెక్టర్ కాటా ఆమ్రపాలి, మహబూబాబాద్ జిల్లా కలెక్టర్ డాక్టర్ ప్రీతిమీనా దంపతులు మహబూబాబాద్ జిల్లాలోని బయ్యారం గుట్టలో ఆటవిడుపు చేసారు. సోమవారం జిల్లాలో ఒకవైపు ముసురు పడుతుండగా ఇద్దరు మహిళా కలెక్టర్లు కాలినడకన దాదాపు 12 కిలోమీటర్ల మేర గుట్టల్లో ప్రయాణించారు.

నల్లగొండ, జూలై 17: వర్షాలు లేక నాగార్జున సాగర్ జలాశయంలో నీటి మట్టం రోజురోజుకు మరింత లోతుకు పడిపోతుండటంతో హైద్రాబాద్, నల్లగొండ జిల్లాలకు కృష్ణా మంచినీటి సరఫరా సమస్యలను అధిగమించేందుకు హైద్రాబాద్ మెట్రో వాటర్ వర్క్స్, ఇరిగేషన్ శాఖలు మరో భగీరథ ప్రయత్నం ఆరంభించాయి.