హైదరాబాద్, జనవరి 1: తెలంగాణ ప్రభుత్వం 31నెలల పాలనా కాలంలో అద్భుతమైన ప్రగతి సాధించిందని, విద్యుత్ సంక్షోభం నుంచి వెలుగుల వైపు పయనం సాగించిందని గవర్నర్ నరసింహాన్ తెలంగాణ ప్రభుత్వ పనితీరును, ముఖ్యమంత్రి కెసిఆర్‌ను ప్రశంసలతో ముంచెత్తారు. ముఖ్యంగా విద్యుత్ రంగంలో అభివృద్ధి పట్ల ఆశ్చర్యం వ్యక్తం చేశారు. విద్యుత్ రంగంలో సాధించిన పురోగతి ఆశ్చర్యం కలిగిస్తోందని, ఇది గొప్ప పురోగతి అని అన్నారు.

హైదరాబాద్, జనవరి 1: నగరానికే తలమానికమైన ‘నుమాయిష్’కు అంతర్జాతీయ ఖ్యాతిని తీసుకువచ్చేందుకు ప్రభుత్వం పూర్తి సహకారం అందిస్తుందని రాష్ట్ర ఐటిశాఖ మంత్రి కల్వకుంట్ల తారకరామారావు పేర్కొన్నారు. నాంపల్లి ఎగ్జిబిషన్ మైదానంలో ఏర్పాటు చేసిన 77వ అఖిల భారత పారిశ్రామిక ప్రదర్శన నుమాయిష్‌ను కెటిఆర్ తెలంగాణ రాష్ట్ర ఆర్ధిక శాఖ మంత్రి ఈటెల రాజేందర్‌తోకలిసి ప్రారంభించారు.

హైదరాబాద్, జనవరి 1: పెద్దనోట్ల రద్దుతో ఎన్ని లక్షల కోట్ల రూపాయల నల్లధనం పట్టుకున్నారో వివరాలు వెల్లడించాలని సిపిఐ తెలంగాణ రాష్ట్ర కార్యదర్శి చాడ వెంకటరెడ్డి ఏపి రాష్ట్ర కార్యదర్శి కె. రామకృష్ణ కేంద్రాన్ని డిమాండ్ చేశారు. ఈ నెల 3 నుంచి తెలుగు రాష్ట్రాల్లో నిరసనలు, ధర్నాలు, ఆందోళన కార్యక్రమాలు నిర్వహించనున్నట్లు తెలిపారు.

హైదరాబాద్, జనవరి 1: సికిందరాబాద్‌లోని గోకుల్ కో-ఆపరేటివ్ అర్బన్ బ్యాంక్ నిధుల మిస్సింగ్ కేసు కీలక మలుపు తిరుగుతోంది. బ్యాంకులో దాదాపు రూ. 3.5 కోట్లకుపైగా నిధులు దుర్వినియోగమయ్యాయని అభియోగంపై బ్యాంక్ చైర్మన్ చీమల జగదీష్ యాదవ్‌ను శనివారం సిసిఎస్ పోలీసులు అరెస్టు చేసిన సంగతి తెలిసిందే.