హైదరాబాద్, డిసెంబర్ 31: వచ్చే ఆర్ధిక సంవత్సరానికి సంబంధించి విద్యుత్ టారిఫ్ ప్రతిపాదనలు సమర్పించేందుకు జనవరి 18వరకు తెలంగాణ విద్యుత్ నియంత్రణ మండలి గడువు ఇచ్చినట్లు తెలంగాణ జెన్కో సిఎండి దేవులపల్లి ప్రభాకరరావు తెలిపారు. టారిఫ్ ప్రతిపాదనలపై ప్రభుత్వంతో కూడా చర్చించాల్సి ఉందని, తాము మరింత గడువు కావాలని కోరిన వెంటనే నియంత్రణ మండలి ఆమోదించిందన్నారు.

హైదరాబాద్, డిసెంబర్ 30: రాష్ట్రంలో వంద రిటైల్ చేపల మార్కెట్లు ప్రారంభించనున్నట్టు పశు సంవర్ధక శాఖ మంత్రి తలసాని శ్రీనివాస్ యాదవ్ తెలిపారు. శుక్రవారం శాసన సభలో రాష్ట్రంలో మత్స్య పరిశ్రమాభివృద్ధిపై లఘు చర్చ జరిగింది. మంత్రి తలసాని రాష్ట్రంలో మత్స్య పరిశ్రమ అభివృద్ధికి తీసుకుంటున్న చర్యలను వివరించారు.

హైదరాబాద్, డిసెంబర్ 30: తెలంగాణ చేపలంటే దేశం మొత్తంలో మంచి గిరాకీ ఉందని, ఈ మత్స్యపరిశ్రమపై ఆధారపడి లక్షల కుటుంబాలు జీవిస్తున్నందున, దీన్ని మరింత అభివృద్ధి చేసుకోవల్సిన అవసరముందని అధికార, విపక్షాలకు చెందిన సభ్యులు శుక్రవారం శాసన మండలిలో ప్రభుత్వానికి సూచించారు. మధ్యాహ్నం ‘మత్స్య పరిశ్రమ’పై లఘు చర్చ జరిగింది.

హైదరాబాద్, డిసెంబర్ 30: గురువారం శాసనసభ సమావేశాలను బహిష్కరించిన కాంగ్రెస్ పార్టీ సభ్యులు శుక్రవారం మధ్యాహ్నం నుంచి సభకు హాజరయ్యారు. బుధవారం శాసనసభలో భూసేకరణ బిల్లు ఆమోదం తరువాత స్పీకర్ సభను మరుసటి రోజుకు వాయిదా వేశారు. ముఖ్యమంత్రి సమాధానం తరువాత బిల్లుపై మాట్లాడే అవకాశం ఇవ్వలేదని కాంగ్రెస్ ఆగ్రహం వ్యక్తం చేసింది. దీనికి నిరసనగా గురువారం ఒక్క రోజు సభను బహిష్కరించాలని నిర్ణయించారు.