హైదరాబాద్, డిసెంబర్ 8: అంతగా ప్రాధాన్యతలేని పథకాల్లో కోత విధించాలని రాష్ట్ర ప్రభుత్వం నిర్ణయించింది. రాష్ట్రంలో ప్రస్తుతం అమలు చేస్తున్న పథకాల ప్రాధాన్యతలను దృష్టిలో పెట్టుకుని ఏబీసీ కేటగిరిగా విభజిస్తారు. 2016-17 బడ్జెట్ కసరత్తులో భాగంగా ఆర్థిక మంత్రి ఈటల రాజేందర్ మంగళవారం సచివాలయంలో స్పెషల్ ప్రిన్సిపల్ సెక్రటరీ, ప్రిన్సిపల్ సెక్రటరీ, సెక్రటరీలతో సమావేశం అయ్యారు.

హైదరాబాద్, డిసెంబర్ 8: ముఖ్యమంత్రి కె చంద్రశేఖర్‌రావు మంగళవారం సాయంత్రం ఢిల్లీ బయలుదేరి వెళ్లారు. రెండు రోజుల పాటు బుధ, గురువారం వరకు ముఖ్యమంత్రి ఢిల్లీలో ఉంటారు. బుధవారం జరగనున్న కేంద్ర ఆర్థికశాఖ మంత్రి అరుణ్‌జైట్లీ కూతురు వివాహానికి హాజరవుతారు. అలాగే గురువారం జరుగనున్న ఎన్‌సిపి నేత శరద్‌పవార్ జన్మదినోత్సవ వేడుకల్లో పాల్గొంటారు.

భద్రాచలం, డిసెంబర్ 8: చత్తీస్‌గఢ్‌లో మావోయిస్టులకు ఎదురుదెబ్బ తగిలింది. పీఎల్‌జీఏ వారోత్సవాల ముగింపు రోజైన మంగళవారం సుక్మా జిల్లా పోలీసులకు 26 మంది మావోయిస్టులు లొంగిపోయిన కొద్ది గంటల్లోనే ఇదే జిల్లాలోని కిష్టారం అడవుల్లో జరిగిన ఎన్‌కౌంటర్‌లో 10 మంది మావోయిస్టులు హతులయ్యారు. ఎదురుకాల్పుల్లో 5గురు జవాన్లు తీవ్రంగా గాయపడ్డారు.

హైదరాబాద్: రంగారెడ్డి జిల్లాలో దుర్భిక్ష పరిస్థితులను తెలుసుకొనేందుకు కేంద్ర బృందం మంగళవారం పర్యటించింది. ఇబ్రహీంపట్నం పెద్ద చెరువుతోపాటు పలు ప్రాంతాల్లో వ్యవసాయ భూములను కమిటీ సభ్యులు సందర్శించి స్థానికుల నుంచి వివరాలు తెలుసుకొన్నారు.