S ,7 à 8 RSCA (si SASPAS) et 6 cialis pharmacie cialis rapports de stage.
మాతో - మీరు
ఆదివారం అనుబంధంలో ఏ శీర్షిక ప్రత్యేకత దానిదే. ‘ఒక్క తూటా చాలు’ సీరియల్ ఆద్యంతం ఆసక్తిదాయకంగా ఉంటోంది. రాసమణి చెప్పిన మాటలు ఎంతో బావున్నాయి. ఎదుటి మనిషి గురించి తెలుసుకోవాలంటే పెద్దగా తెలివిని ఉపయోగించాల్సిన పనిలేదు. అతను మాట్లాడే తీరు.. ఆలోచించే విధానం చాలు. రకరకాల మనుషులతో సావాసం చేసే రాసమణి పాత్రని మలచిన తీరు మాకెంతో నచ్చింది.
ఏది ఆనాటి వారసత్వ సంగీతం? గుండె దడ పుట్టించే ధ్వనులనే సంగీతమనే దుస్థితి దాపురించింది. ఏది రాగమో, ఏది తాళమో తెలియని అయోమయ పరిస్థితి నెలకొన్నది. టెక్నాలజీ పెరగాలి. కొత్త వాయిద్య పరికరాలు వస్తున్నాయి. రావాలి కూడా. కాని వాటిని ఇష్టం వచ్చినట్లు పలికించేసి సంగీత పరిమాణాలను అపహాస్యం చేస్తున్నారు. ఈ సంగీతమనబడే హోరులో సాహిత్యం ఖూనీ చేయబడుతోంది.
ఒక ఉపగ్రహంతో ప్రారంభమై రెండు.. మూడు.. ఇలా బుడిబుడి అడుగులు వేస్తూ తొలిసారిగా 2008లో ఒకేసారి 10 ఉపగ్రహాలు పంపి విజయం సాధించింది భారత్. ఆ తర్వాత ఒకేసారి 20 ఉపగ్రహాలను కూడా పంపి ప్రపంచ దేశాలకు దీటుగా శాస్త్ర సాంకేతిక రంగాల్లో మేటిగా నిలిచింది. ‘షార్.. హుషార్’ కవర్‌స్టోరీ కథనం ఆలోచింపజేసేదిగా ఉంది.
‘అమృతవర్షిణి’ శీర్షిక ద్వారా అలనాటి రంగస్థల వైభవాన్ని మళ్లీ కళ్ల ముందుకు తెస్తున్నారు. తెర వెనుక నటీనట బృందమంతా కలిసి నీరాజనమిస్తూ ‘పరబ్రహ్మ పరమేశ్వర పురుషోత్తమ’ అంటూ సాగే బృందగానం ప్రేక్షక జన హృదయాలను పరవశింపజేసేది. ఏమా వైభవం? తన జీవితమే కృష్ణ పాత్రగా జీవించి జాతీయ స్థాయిలో పేరు ప్రఖ్యాతులు తెచ్చుకున్న నటుడు పీసపాటి.
యుద్ధాలు, అంతర్యుద్ధాలు, అస్థిరత, రాజకీయ వేధింపులు, ఆర్థిక మాంద్యం, పేదరికం - కారణాలు ఏమైతేనేం కొన్ని దేశాలు అస్థిరతకు చిరునామాగా మారిపోయాయి. సామాన్య ప్రజల సాధారణ జీవనాన్ని అసాధారణ రీతిలో ఛిద్రం చేసేశాయి - అంటూ సాగిన కవర్‌స్టోరీ ఆలోచింపజేసేదిగా ఉంది. అలాగే ‘ఒక్క తూటా చాలు’ సీరియల్ ఆద్యంతం సస్పెన్స్ థ్రిల్లర్‌ని తలపింపజేస్తోంది.
-కొప్పల కాశీ విశే్వశ్వరరావు (విశాఖ)
‘అమృతవర్షిణి’ శీర్షికని ఏ విధంగా వర్ణించాలో తెలీటంలేదు. అలనాటి సంగీతామృతాన్ని మళ్లీ మా కళ్లకు కట్టినట్లు చూపిస్తున్నారు. మా చిన్నతనంలో ‘కృష్ణలీల’లో కంసుడు, ‘కనకతార’లో విలన్, ‘సతీ సావిత్రి’లో యముడుగా స్టేజీ నాటకాలలో వేమూరి గగ్గయ్యగారు ఏకైక విలన్. ‘్ధక్కారమును సైతునా’ అన్న పాట ‘పో బాల పొమ్మికన్’ అనిన పాట ఆయన నోటే వినాలి. ఆయన గంభీర రూపం, మైక్‌లు లేకున్నా అదిరిపోయే గళం ఆయనదే.
గూగుల్, యూట్యూబ్‌లను కంప్యూటర్లలో, స్మార్ట్ ఫోన్లలో ఏది కావాలంటే దానిని అప్పటికప్పుడు డౌన్‌లోడ్ చేసుకునే సదుపాయం ఏర్పడినా, ఇప్పటికీ పుస్తక ప్రియులు తమకు కావలసిన పుస్తకాల వేటను మానలేకపోతున్నారు. కొందరిళ్లలో ర్యాకుల కొద్దీ గ్రంథాలు దర్శనమిస్తుంటాయి. వీటిని మొదటిసారి చదివేటపుడే ముఖ్యమైన వాటిని హైలైట్ చేసుకుంటే మరల పుస్తకమంతా చదవనక్కరలేదు. కొందరిలానే చేస్తుంటారు. పుస్తకాలు కొనడం కాదు.
నగదు వద్దు - ఈ-మనీ ముద్దు’ అంటూ భవిష్యత్‌లోకి తొంగి చూసేలా చేశారు. ఈపాటికే యువత ఆన్‌లైన్ షాపింగ్ చేస్తున్నది. పెద్దలు కూడా అనుసరించాల్సిందే. వీసా, మాస్టర్ కార్డ్ లాంటివి అమెరికావి. పేటిఎం చైనాది. వాటిని ఉపయోగిస్తే కమిషన్ ఆ దేశాలకు పోతుంది. స్వదేశీ రూపే, స్టేట్ బ్యాంక్ బడ్డీ ఉపయోగిస్తే మన దేశానికీ, మనకీ లాభదాయకం. ఇక వానతోపాటు వడగళ్లు, చిన్నచిన్న చేపలు పడటం విన్నాం.
మంచి చేసినా చెడు చేసినా విమర్శలు తప్పవు. విమర్శలు లేకుండా జీవితం గడవదు. సద్విమర్శలోని మంచిని గ్రహించినప్పుడే వృద్ధి చెందుతామన్న ‘ఓ చిన్న మాట’ బహు బాగుంది. అసౌకర్యాలకు బాధపడకుండా లెక్కలేనంత మంది వేడుకగా జరుపుకునే జాతరల గురించి గోపాలంగారు బాగా చెప్పారు. నిజానికి భారతీయాత్మ జాతర్లలోనే ఉందని చెప్పాలి. నోట్ల రద్దు గురించి అనేక వ్యాఖ్యలు వినిపిస్తున్నాయి.
పెద్ద నోట్లను కేంద్రం రద్దు చేయడానికి కారణం ఇరుగు పొరుగు దేశాల ద్వారా పెద్దఎత్తున నకిలీ నోట్లు దేశాన్ని ముంచెత్తడం, ఉగ్రమూకలకు ఊతమివ్వడం అని తెలుపుతూ, నల్లకుబేరుల ఆట కట్టించే ఉద్దేశంతో ఇలా వాత పెట్టిందని తెలిపారు. అయినా సరే కొత్తనోట్లకూ నకిలీ బెడద పొంచి ఉందని తెలుపుతూ, అసలు నోట్ల తయారీ విధానం, వాటికి నకిలీలు వచ్చే విధానం తెలుపుతూ ‘ప్లాస్టిక్ కరెన్సీ’ ఆవశ్యకతను వివరించారు.