హైదరాబాద్:మ్యాన్‌హోల్‌లో దిగి పనిచేస్తున్న ఇద్దరు పారిశుద్ధ్య కార్మికులు ఊపిరాడక మరణించారు. హైదరాబాద్‌లోని రామ్‌కోఠి తిలక్‌నగర్‌లో ఆదివారం ఉదయం ఈ విషాదం చోటుచేసుకుంది.

వారణాసి:దాదాపు 5కోట్ల మంది పేద మహిళలకు ఉపయోగపడే కొత్త పధకం ప్రధానమంత్రి ఉజ్వలయోజనను ప్రధాని నరేంద్రమోదీ తన సొంత నియోజకవర్గం వారణాసిలో ప్రారంభించారు. ఈ సందర్భంగా మహిళలకు ఉచిత గ్యాస్ కనెక్షన్లు, సిలెండర్లు పంపిణీ చేశారు. ఈ పథకం వల్ల పేదలకు ఎంతో ఉపయోగం ఉంటుందని ఆయన అన్నారు.

న్యూదిల్లి:అగస్టా వెస్ట్‌ల్యాండ్ హెలికాఫ్టర్ల కొనుగోలులో జరిగిన గోల్‌మాల్ వ్యవహారంపై 4న పార్లమెంటులో గుట్టు విప్పుతానని రక్షణమంత్రి మనోహర్ పారికర్ మీడియాకు చెప్పారు. ఆ ఒప్పందానికి సంబంధించిన అవకతవకలకు సంబంధించిన ఆధారాలు, డాక్యుమెంట్లను సభముందుంచుతానని స్పష్టం చేశారు. యుపిఎ హయాంలో జరిగిన ఈ కుంభకోణంపై ఇప్పటికే పార్లమెంట్‌లో కాంగ్రెస్ తీవ్ర ఆరోపణలను ఎదుర్కొంటోంది.

హైదరాబాద్, ఏప్రిల్ 30: కార్మికుల కోసం ప్రత్యేకంగా బ్యాంకులు ఏర్పాటు చేయాలని ఆలోచిస్తున్నట్లు కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ తెలిపారు. ఈ అంశంపై సాధ్యాసాధ్యాలను అధ్యయనం చేసేందుకు ఒక కమిటీని నియమించామని ఆయన శనివారం విలేఖరుల సమావేశంలో చెప్పారు. కార్మికుల సంక్షేమానికి ప్రధాని నరేంద్ర మోదీ నేతృత్వంలోని ఎన్డీఏ ప్రభుత్వం కట్టుబడి ఉందని అన్నారు.