విజయవాడ, డిసెంబర్ 5: పిల్లల్లో పౌష్టికాహార లోపాన్ని అధిగమించేందుకు బలవర్థక బియ్యం (్ఫర్టిఫైడ్ రైస్) సరఫరా చేసేందుకు నిర్ణయించామని రాష్ట్ర వ్యవసాయ శాఖ మంత్రి సోమిరెడ్డి చంద్రమోహన్ రెడ్డి వెల్లడించారు. వెలగపూడి సచివాలయంలో టాటా ట్రస్టు ప్రతినిధులతో మంత్రులు సోమిరెడ్డి, నారా లోకేష్ మంగళవారం సమావేశమై ఫోర్టిఫైడ్ రైస్‌పై చర్చించారు. పౌష్టికాహార లోపం వల్ల అనేక సమస్యలు వస్తున్నాయని తెలిపారు.

విజయవాడ, డిసెంబర్ 5: కాపులకు రిజర్వేషన్ కల్పించే విషయమై ముందుగానీ, నిర్ణయం వెల్లడించిన తరువాత గానీ వెనుకబడిన వర్గాల ప్రతినిధులతో సంప్రదింపులు జరిపి ఉంటే ఇంత గందరగోళం ఉండేది కాదని బీసీ వర్గాలు అభిప్రాయపడుతున్నాయని రాష్ట్ర కార్మిక శాఖ మంత్రి పితాని సత్యనారాయణ తెలిపారు. తాను కూడా వారి అభిప్రాయంతో ఏకీభవిస్తున్నానని మంగళవారం ఒక ప్రకటనలో పేర్కొన్నారు.

పటమట, డిసెంబర్ 5: గిరిజన ప్రాంతాలలో వౌలిక వసతులు, రవాణా మెరుగుపర్చటం, వసతిగృహాలలో హాజరుశాతం పెంచటంతోపాటు విద్యార్థులకు ఆరోగ్య పరీక్షలు తప్పక నిర్వహించాలని, దీనివలన ప్రభుత్వం ఆశించిన గిరిజన సంక్షేమ పథకాలు వంద శాతం వారికే చెందే అవకాశం వుంటుందని, అందుకు ఆధికారులు తగిన చర్యలు తీసుకోవాలని గిరిజన సంక్షేమ శాఖ ముఖ్య కార్యదర్శి ఆర్పీ సిసోడియా అధికారులను అదేశించారు.

విజయవాడ, డిసెంబర్ 5: ఎపీఎస్ ఆర్టీసీ కార్మికులకు రావాల్సిన 2015 లీవ్ ఎన్‌క్యాష్‌మెంట్‌ను గుర్తింపు సంఘం ఎస్‌ఎంయు విజ్ఞప్తి మేరకు ఈ నెల 20వ తేదీన నగదు రూపంలో చెల్లించేందుకు ఆర్టీసీ మేనేజింగ్ డైరెక్టర్ డాక్టర్ మాలకొండయ్య మంగళవారం 7/2017తో సర్క్యులర్ విడుదల చేశారు. ఈ ఆదేశాలు ద్వారా సంస్థలో పని చేస్తున్న 55వేల మందికి లబ్ధిచేకూరనున్నది.