విజయవాడ, డిసెంబర్ 5: కేంద్ర ప్రభుత్వం ప్రారంభించిన భారతావనిని తెలుసుకోండి అన్న కార్యక్రమం కింద 9 దేశాల నుంచి భారత మూలాలు కలిగిన ఉన్న 40 మంది యువతీ, యువకులు రాష్ట్ర ఐటి శాఖ మంత్రి లోకేష్‌ను వెలగపూడి సచివాలయంలో మంగళవారం కలిశారు. ఈ కార్యక్రమంలో భాగంగా రాష్ట్రంలోని విజయవాడ, రాజమండ్రి, విశాఖల్లో వీరు పర్యటించనున్నారు.

విజయవాడ, డిసెంబర్ 5: విద్యుత్ కాంట్రాక్టు కార్మికులు కనె్నర జేశారు. ఉద్యోగాల క్రమబద్ధీకరణ, వేతనాలను పెంచాలని డిమాండ్ చేస్తూ మంగళవారం విజయవాడలో చేపట్టిన ‘కరెంటోళ్ల సమరభేరి’ దద్దరిల్లింది. ఏపీ విద్యుత్ కాంట్రాక్ట్ కార్మికుల ఐక్య వేదిక ఆధ్వర్యాన తలపెట్టిన ఆందోళనకు రాష్ట్రంలోని 13 జిల్లాల నుంచి ట్రాన్స్‌కో, జెన్‌కో, డిస్కమ్‌లలో పని చేస్తున్న వేలాది మంది కార్మిక లోకం తరలివచ్చింది.

విశాఖపట్నం, డిసెంబర్ 5: ఆగ్నేయ బంగాళాఖాతంలో తీవ్ర అల్పపీడనం కొనసాగుతోంది. ఈ మేరకు ఇక్కడి వాతావరణ కేంద్రం మంగళవారం రాత్రి పేర్కొంది. రానున్న 12 గంటల్లో ఇది వాయిగుండంగా మారే అవకాశం ఉందని, మరో 48 గంటల్లో తీవ్ర వాయిగుండంగా మారి, ఉత్తర తమిళనాడు, దక్షిణ కోస్తాల మీదుగా దీనిని ప్రభావం చూపనుంది. భారీ వర్షాలు పడే అవకాశం ఉండడంతో మత్స్యకారులు అప్రమత్తంగా ఉండాలని సూచించింది.

పాచిపెంట, డిసెంబర్ 5: ముఖ్యమంత్రి చంద్రబాబునాయుడి పాలన అవినీతిమయమని వైసీపీ విజయనగరం, విశాఖ జిల్లాల పరిశీలకుడు భూమన కరుణాకరరెడ్డి విమర్శించారు. విజయనగరం జిల్లా, పాచిపెంట మండలంలోని పాంచాలి గ్రామంలో మంగళవారం జరిగిన రచ్చబండ కార్యక్రమంలో పాల్గొని, మాట్లాడారు. మోసపూరిత హామీలతో అధికారంలోకి వచ్చిన ప్రభుత్వం హత్యారాజకీయాలకు ప్రోత్సహిస్తుందని ఆరోపించారు.