నందికొట్కూరు, డిసెంబర్ 4: వైసీపీ అధినేత జగన్మోహన్‌రెడ్డి చేస్తున్నది పాదయాత్ర కాదని, అది పాడుయాత్ర అని ఉప ముఖ్యమంత్రి కెయి.కృష్ణమూర్తి అన్నారు. జగన్‌కు ప్రజలే బాయ్‌కాట్ చెప్పే రోజులు దగ్గరలో ఉన్నాయన్నారు.

విజయవాడ (కార్పొరేషన్), డిసెంబర్ 4: నకిలీ మందులతో రోగుల ప్రాణాలతో చెలగాటమాడుతున్న అక్రమార్కుల మూలాలను ఛేదించడంలో విజయవాడ నగర పోలీసులు, డ్రగ్ కంట్రోల్ శాఖాధికారులు సఫలీకృతులైనారు. ఇరు శాఖల అధికారులు సంయుక్తంగా నిర్వహించిన ఆపరేషన్‌లో ఉత్తరాఖండ్‌కు చెందిన పలువురితోపాటు రాష్ట్రంలోని వివిధ మందుల దుకాణదారులను అదుపులోకి తీసుకుని, మందుల తయారీకి చెందిన వివిధ పరికరాలను స్వాధీనం చేసుకున్నారు.

అనంతపురం, డిసెంబర్ 4: రిజర్వేషన్ల పేర ముఖ్యమంత్రి చంద్రబాబునాయుడు కుల రాజీకీయాలు చేస్తూ ప్రజలను మోసం చేస్తున్నారని వైసీపీ అధ్యక్షుడు వైఎస్.జగన్‌మోహన్‌రెడ్డి ధ్వజమెత్తారు. రాజకీయ పబ్బం గడుపుకునేందుకు ఏ ఒక్క కులాన్నీ వదిలిపెట్టలేదన్నారు. ప్రజా సంకల్పయాత్ర 26వ రోజు సోమవారం అనంతపురం జిల్లాలోకి ప్రవేశించింది. ఈ సందర్భంగా గుత్తిలో జరిగిన సభలో జగన్ మాట్లాడుతూ చంద్రబాబు పాలనపై నిప్పులు చెరిగారు.

విజయవాడ (పటమట) డిసెంబర్ 4: తెలంగాణ ప్రభుత్వం, తెలంగాణ సాహిత్య అకాడమి ఆధ్వర్యంలో ఈ నెల 15 నుండి 19 వరకు ఐదు రోజులపాటు హైదరాబాద్ లాల్‌బహదూర్ స్టేడియంలో జరిగే ప్రపంచ తెలుగు మహాసభలకు తెలుగు భాషా ప్రేమికులందరూ పాలుపంచుకోవాలని తెలంగాణ గ్రంధాలయ సంస్ధ ఛైర్మన్ ఆయాచితం శ్రీ్ధర్ పిలుపు నిచ్చారు. సోమవారం సాయంత్రం విజయవాడ ప్రెస్‌క్లబ్‌లో ప్రపంచ తెలుగు మహాసభల పోస్టర్‌ను ఆవిష్కరించారు.