విజయవాడ, డిసెంబర్ 1: రాజధాని అమరావతిలో నిర్మించనున్న సచివాలయ భవన డిజైన్‌ను దాదాపు ఖరారు చేశారు. వెలగపూడి సచివాలయ ఆవరణలోని ఆసెంబ్లీలో శుక్రవారం జరిగిన టీడీఎల్పీ సమావేశంలో ఈ విషయాన్ని ముఖ్యమంత్రి చంద్రబాబు నాయుడు వెల్లడించారు. ప్రజాభిప్రాయాన్ని కూడా పరిగణలోకి తీసుకుని తుది నిర్ణయం తీసుకునేందుకు సీఎం నిర్ణయించారు.

అమరావతి, డిసెంబర్ 1: ఇంధన రంగంలో అమరావతికి అరుదైన గౌరవం దక్కింది. జైపూర్‌లో జరుగుతున్న అంతర్జాతీయ స్థాయి ఇంధన సామర్థ్య సదస్సులో ఇంధన సామర్థ్యం పెంపు, పొదుపు, ఎల్‌ఇడీ బల్బుల వాడకంపై ప్రజెంటేషన్ ఇచ్చే అవకాశం 29 రాష్ట్రాలున్నా మన రాష్ట్రానికే లభించటం ద్వారా ఎనర్జీ రంగంలో ఏపీ విజయాలను ప్రపంచం గుర్తించినట్లు స్పష్టమయింది.

విజయవాడ, డిసెంబర్ 1: ఐటి రంగంలోని దిగ్గజాలు రాష్ట్రంలో పెట్టుబడులు పెట్టేందుకు వీలుగా రూపొందించిన కొత్త ఐటీ విధానానికి రాష్ట్ర మంత్రివర్గం శుక్రవారం ఆమోదం తెలిపింది. ఇంటిగ్రేటెడ్ ఇన్నోవేషన్ అండ్ టెక్నాలజీ పాలసీ 2017-2020గా ఈ పాలసీని వ్యవహరిస్తారు. రాష్ట్ర ఐటి శాఖ మంత్రి నారా లోకేష్ దీనిపై ప్రత్యేక శ్రద్ధ పెట్టారు. వాక్ టు వర్క్ అన్న కానె్సప్ట్‌తో విధాన రూపకల్పన చేశారు.

విజయవాడ, డిసెంబర్ 1: వరల్డ్ మెమరీ ఛాంపియన్‌షిప్ పోటీలకు ఎంపికై చైనా వెళుతున్న ఆంధ్రప్రదేశ్ సాంఘిక సంక్షేమ గురుకుల సొసైటీ విద్యార్థులను రాష్ట్ర ఎక్సైజ్ శాఖా మంత్రి కె.ఎస్.జవహర్ అభినందించారు. శుక్రవారం సచివాలయంలోని తమ ఛాంబర్‌లో కలిసిన విద్యార్థులు ఎమ్.సాయి జ్యోతి, జె.జ్యోతి, ఎస్.మమత, పి.మధుకర్‌తో మాట్లాడారు. ఆ పోటీలో విజయం సాధించి రాష్ట్ర ఖ్యాతిని ప్రపంచ దేశాల్లో ఇనుమడింపచేయాలని కోరారు.