అమరావతి, డిసెంబర్ 1: ప్రభుత్వం కీలకంగా భావించిన బీసీ కమిషన్ నివేదిక.. చివరకు కమిషన్ చైర్మన్ మంజునాథ సిఫార్సు లేకుండానే ఆమోదించాల్సి వచ్చినట్లు సమాచారం. ఆయన మరికొంత సమయం కావాలని కోరుతుండటంతో, కమిషన్‌లోని ముగ్గురు సభ్యులు తమ సిఫార్సులు ప్రభుత్వానికి అందచేశారు. మంత్రివర్గం దానినే అమోదించినట్లు ప్రభుత్వ వర్గాల సమాచారం.

విజయవాడ, డిసెంబర్ 1: నెల్లూరు జిల్లాలోని కండలేరు రిజర్వాయరు నుంచి చెరువులకు డిసెంబర్ 4న నీటిని విడుదల చేసేందుకు ప్రభుత్వం నిర్ణయించింది. సచివాలయంలో రాష్ట్ర జలవనరుల శాఖ మంత్రి దేవినేని ఉమామహేశ్వరరావుతో మంత్రులు సోమిరెడ్డి చంద్రమోహన్‌రెడ్డి, నారాయణ, ఎమ్మెల్యేలు రామకృష్ణ, సునీల్ శుక్రవారం సమావేశమయ్యారు. నీటి విడుదలకు ఇబ్బందులు లేవని అధికారులు వివరించడంతో నిర్ణయం తీసుకున్నారు.

అమరావతి, డిసెంబర్ 1: ‘నాకేమీ మొహమాటాలు లేవు. ఎన్నికల్లో గెలుస్తారనుకున్న వాళ్లకే టికెట్లు ఇస్తా. మీ పనితీరు బాగోలేకపోతే నేనేమీ చేయలేను. అందుకే నాలుగు గ్రూపులుగా విభజిస్తున్నా. పనితీరు బాగోలేని వారిని పిలిపించి చెబుతా. అప్పటికీ మారకపోతే వదిలేస్తా. మీరు కుటుంబసభ్యులకూ సమయమివ్వండి. గ్రూపులు కట్టి పార్టీకి తలనొప్పి సృష్టిస్తే ఇప్పటిమాదిరిగా పిలిచి మాట్లాడేపనిలేదు. నేరుగా చర్యలే!

హైదరాబాద్, డిసెంబర్ 1: ఆంధ్రప్రజల జీవనాడి పోలవరం ప్రాజెక్టుపై కేంద్ర ప్రభుత్వ నెపంతో ముఖ్యమంత్రి చంద్రబాబునాయుడు చేతులెత్తేశారని వైఎస్‌ఆర్‌సిపి నేతలు విమర్శించారు. పోలవరం నిర్మాణం ఆగి తే రాష్ట్ర ప్రజలు క్షమించరని అన్నారు. ముడుపుల కోస మే పోలవరం నిర్మాణ బాధ్యతలు తీసుకున్నారని వారు అరోపించారు. ఇకనైనా డ్రామాలు కట్టిపెట్టి పోలవరాన్ని ఏం చేయబోతున్నారో స్పష్టం చేయాలని వారు డిమాండ్ చేశారు.