అనంతపురం, జూలై 10: రోజురోజుకు కొత్తపుంతలు తొక్కుతున్న సాంకేతిక పరిజ్ఞానాన్ని ఎప్పటికప్పుడు అందిపుచ్చుకుని కేసుల దర్యాప్తులో పురోగతిని సాధించాలని, తద్వారా పోలీసుశాఖ భవితవ్యం మెరుగ్గా ఉంటుందని రాష్ట్ర డిజిపి నండూరి సాంబశివరావు అన్నారు. అనంతపురం పోలీసు ట్రైనింగ్ కాలేజీ (పిటిసి)లో 350 మంది శిక్షణ ఎస్‌ఐలు, ఎఎస్‌ఐలకు ఇండక్షన్ ట్రైనింగ్ కార్యక్రమాన్ని డిజిపి సోమవారం ప్రారంభించారు.

విజయవాడ, జూలై 10: ఏపి సిఆర్డీఏ (ఆంధ్రప్రదేశ్ రాజధాని ప్రాంత ప్రాధికార సంస్థ) పరిధిలోని పాత లేఅవుట్ల సమస్యని మంత్రిమండలి ఉప సంఘం ఎట్టకేలకు పరిష్కరించింది. మంత్రి మండలి ఉప సంఘం సచివాలయం 2వ బ్లాక్‌లో సోమవారం మధ్యాహ్నం ఆర్థికమంత్రి యనమల రామకృష్ణుడు అధ్యక్షతన సీఆర్డీఏ అధికారులు, రియల్ ఎస్టేట్ వ్యాపారులతో సమావేశమైంది.

రాజమహేంద్రవరం, జూలై 10: పట్టిసీమపై చర్చకు తాను సిద్ధమేనని మాజీ ఎంపి ఉండవల్లి అరుణ్‌కుమార్ ప్రకటించారు. తన సవాల్‌ను స్వీకరించి చర్చకు అంగీకరించిన మాజీ మంత్రి, తెలుగుదేశం పార్టీ సీనియర్ నేత ఎమ్మెల్యే గోరంట్ల బుచ్చయ్య చౌదరికి కృతజ్ఞతలు తెలియజేస్తున్నానన్నారు. గోరంట్ల చెప్పినట్టు 18వ తేదీన రైతుల సమక్షంలో చర్చకు తాను సిద్ధమేనన్నారు.

విజయవాడ, జూలై 10: రాష్ట్రంలో పరిశ్రమల స్థాపనకు అన్ని పార్టీల ట్రేడ్ యూనియన్లు మద్దతు పలికాయని రాష్ట్ర కార్మికశాఖ మంత్రి పితాని సత్యనారాయణ తెలిపారు. వెలగపూడి సచివాలయంలోని నాలుగో బ్లాక్ పబ్లిసిటీ సెల్‌లో సోమవారం విలేఖరులతో మాట్లాడుతూ అన్ని రాజకీయ పార్టీల ట్రేడ్ యూనియన్లతో సమావేశం నిర్వహించామన్నారు. వైఎస్‌ఆర్ సిపి ట్రేడ్ యూనియన్ ఈ సమావేశానికి హాజరు కాలేదన్నారు.