విజయవాడ, జూలై 10: గురుకుల పాఠశాలలు, అంగన్‌వాడీ కేంద్రాల్లో మధ్యాహ్న భోజన పథకం కింద వంట చేయడాన్ని స్వచ్చంద సంస్థలకు అప్పగించడం వల్ల 80 వేల మంది కార్మికులు ఉపాధి కోల్పోయారని రాష్ట్ర కార్మిక శాఖ మంత్రి పితాని సత్యనారాయణకు వివిధ కార్మిక సంఘాల ప్రతినిధులు తెలిపారు. వెలగపూడి సచివాలయంలో వివిధ కార్మిక సంఘాల నేతలతో సోమవారం మంత్రి సమావేశయమ్యారు. మధ్యాహ్న భోజన పథక కార్మికులకు తగిన న్యాయం చేయాలని కోరారు.

విజయవాడ, జూలై 10: వైఎస్సార్ సిపి ప్లీనరీ అంతా అబద్ధాలతో సాగింది.. రాష్ట్ర శాసనసభలో ప్రధాన ప్రతిపక్ష నేతగా ఉండి కూడా వైఎస్సార్ సిపి అధినేత జగన్ అబద్ధాలు మాట్లాడారు.. రైతులు, మహిళల కోసం వైఎస్‌తోపాటు కాంగ్రెస్ పాలనలో పదేళ్లలో ఎంతమేర వెచ్చించారు.. టిడిపి మూడేళ్ల పాలనలో ఎంత ఖర్చు చేశాం.. అనే దానిపై బహిరంగ చర్చకు రావాలని వ్యవసాయశాఖ మంత్రి సోమిరెడ్డి చంద్రమోహన్‌రెడ్డి సవాల్ విసిరారు.

విజయవాడ, జూలై 10: మీరు పదోన్నతులు, బదిలీలు కావాలంటే ప్రజాప్రతినిధులు గుర్తొస్తారు. అధికారులు పనితీరు ద్వారా ఫలితాలు చూపించకుంటే స్థానచలనం తప్పదు. మిమ్మల్ని ఉపేక్షిస్తే ప్రజలు మా స్థానాలను మారుస్తారని మంత్రి యనమల రామకృష్ణుడు అధికారులకు చురకలు అంటించారు. సోమవారం కృష్ణాజిల్లా అభివృద్ధిపై నిర్వహించిన సమీక్షా సమావేశానికి ఇన్‌ఛార్జి మంత్రి హోదాలో యనమల హాజరయ్యారు.

విజయవాడ, జూలై 10: ఈనెల 17తేదీ జరిగే రాష్టప్రతి ఎన్నికల్లో మతతత్వ బిజెపి అభ్యర్థి రామ్‌నాధ్ కోవింద్‌ను బలపరచే విషయమై పునరాలోచన చేయాలంటూ ప్రదేశ్ కాంగ్రెస్ కమిటీ అధ్యక్షుడు ఎన్.రఘువీరారెడ్డి సోమవారం సిఎం చంద్రబాబునాయుడుకు బహిరంగ లేఖ రాశారు. సామాజిక న్యాయ, ప్రజాస్వామ్య, సెక్యులర్ సిద్ధాంతాలకు ప్రతినిధిగా పోటీచేస్తున్న మీరా కుమార్‌ను బలపరిచే విధంగా పునరాలోచన చేయాలని కోరారు.